web counter
LEXO PA REKLAMA!

SHKARKO APP

App Store
Google Play

Humbja e Roma-s, Ranieri: Jam i kënaqur me lojtarët e mi

3 Dhjetor 2024, 08:50, Sport CNA
Humbja e Roma-s, Ranieri: Jam i kënaqur me lojtarët e mi
Claudio Ranieri

Trajneri i Roma-s, Claudio Ranieri, vlerësoi lojtarët e tij, pavarësisht se mbrëmjen e së hënës u mundën me rezultatin 0-2 nga Atalanta.

Në prononcimin e dhënë për mediet pas këtij takimi, tekniku i verdhekuqve theksoi se skuadra e tij po lufton dhe kjo e kënaq.

"Jam i kënaqur me lojtarët e mi, duartrokitjet e tifozëve në fund e dëshmojnë këtë. Ne po luftojmë dhe e vlerësova ekipin për mënyrën se si luftuan deri në sekondën e fundit. Por mos mendoni se tani na presin ndeshje të lehta. Në dhjetor do të luajmë çdo katër ditë, dhe ndeshja e ardhshme kundër Lecce-s do të jetë më e vështirë. Nuk më pëlqejnë lojtarët që dorëzohen, nuk e kam pranuar kurrë këtë. Duhet të luftojmë deri në fund”, -tha ai si fillim.

Më tej, trajneri shtoi se Atalanta është një makinë e fuqshme dhe sipas tij kjo e justifikon edhe rezultatin e ndeshjes.

“Atalanta është një makinë e fuqishme, kjo nënkupton edhe pse kanë ecur kaq shumë deri më tani”, -u shpreh ndër të tjera, Claudio Ranieri.

Roma nuk mundet të dalë dot nga kriza e rezultateve, teksa pas javës së 14-të të Serie A renditet në vend të 15-të me 13 pikë./CNA





Lajmet e fundit nga