web counter
LEXO PA REKLAMA!

SHKARKO APP

App Store
Google Play

Licencimi i klubeve për sezonin 2025-2026, FSHF jep njoftimin e rëndësishëm

2 Dhjetor 2024, 14:35, Sport CNA
Licencimi i klubeve për sezonin 2025-2026, FSHF jep njoftimin e
FSHF

Departamenti Ligjor dhe i Licencimit të klubeve në Federatën Shqiptare të Futbollit informon të gjitha klubet dhe administratën e licencimit se ka filluar procesi i licencimit të klubeve aplikante për një licencë në kompeticionet e FSHF-së dhe UEFA-s për sezonin e ardhshëm 2025-2026.

Kriteret që duhet të plotësohen janë gjashtë: 1-kriteri sportiv, 2-kriteri i përgjegjësisë sociale dhe mbrojtjes së mjedisit, 3-kriteri i infrastrukturës, 4-kriteri i administratës dhe personelit, 5-kriteri ligjor dhe 6-kriteri financiar.

Afatet për paraqitjen e dokumentacionit nga ana e klubeve aplikante janë:

a-Afati i brendshëm për dorëzimin e dokumentacionit për pesë kriteret e para është data 31 janar 2025.

b-Afati përfundimtar për dorëzimin e dokumentacionit për pesë kriteret e para është data 28 shkurt 2025.

c- Për kriterin financiar afati i brendëshëm është data 28 shkurt 2025 dhe afati përfundimtar është data 31 mars 2025.

Procesi do të mbyllet më 31 mars 2025, sipas afateve të përcaktuara nga FSHF dhe UEFA.

Gjatë kësaj periudhe klubet aplikante për licencë duhet të paraqesin në Departamentin Ligjor dhe Licencimit në FSHF të gjithë dokumentacionin e kërkuar për të përmbushur gjashtë kriteret që kërkohen për të përmbyllur me sukses këtë proces.

Siç edhe kemi komunikuar bashkërisht, Departamenti Ligjor dhe i Licencimit të klubeve do të organizojë një workshop ditën e premte (datë 13.12.2024, ora 11.00 në ambientet e FSHF-së në të cilin duhet të marrin pjesë Drejtori i klubit si dhe financieri), me të gjitha klubet aplikante për licencë, për t’i asistuar dhe ndihmuar në këtë proces.

Departamenti Ligjor dhe i Licencimit në FSHF, ju ka dërguar edhe me postë dhe e-mail një njoftim për fillimin e këtij procesi.

Të gjitha Rregulloret (e Licencimit & Infrastrukturës) ju mund t'i gjeni edhe në faqen e web të FSHF-së: www.fshf.org/rregulloret./CNA





Lajmet e fundit nga