web counter
LEXO PA REKLAMA!

SHKARKO APP

App Store
Google Play

Arrihet akordi! Skënderbeu zgjedh trajnerin e ri, tekniku kampion niset drejt Korçës

2 Dhjetor 2024, 10:30, Sport CNA

Arrihet akordi! Skënderbeu zgjedh trajnerin e ri, tekniku kampion niset

Ernest Gjoka do të jetë trajneri i ri i Skënderbeut. Klubi korçar dhe tekniku kryeqytetas kanë arritur marrëveshjen mes tyre, ndërsa mungon vetëm zyrtarizimi.

Gjoka rikthehet në drejtimin e një skuadre, ndërsa në stolin e juglindorëve do të pasojë të larguarin Ivan Gvozdenoviç.

Menjëherë pas dorëheqjes së serbit nga pankina korçare, Takaj kontaktin e parë e ka pasur me trajnerin Gjoka që ka drejtuar disa ekipe mbarëshqiptare dhe palët kanë rënë dakord për të bashkëpunuar së bashku jo vetëm për këtë sezon, por edhe për sezonin tjetër.

Trajneri 54-vjeçar, do të firmosë një kontratë për 18 muaj me Skënderbeun dhe objektivi në këtë sezon është i qartë, sigurimi i mbijetesës.

Gjoka është një njohës i mirë i kampionatit shqiptar, pasi në të kaluarën ka fituar titullin me Kukësin, duke thyer dominimin e Skënderbeut.

Gjithashtu ai ka drejtuar edhe ekipe të tjera të njohura si Flamurtari dhe Vllaznia, ndërsa ka drejtuar Shkëndijën e Shkupin në Maqedoninë e Veriut.

Kryeqytetasit ka një stil loje pak a shumë si Gvozdenoviç dhe kjo është një nga arsyet që ka ndikuar në zgjedhjen e tij, pasi i përshtaten lojtarët që ka.

Në listën e Skënderbeut për stolin ishte edhe Shpëtim Duro, por në fund u vendos për Gjokën. Ky i fundit do të nisë stërvitjen me korçarët ditën e martë. Debutimi i Gjokës do të jetë ditën e enjte ndaj Tiranës, ku synohet rikthimi te fitorja.

Pas 15 javëve kampionat, skuadra bardhekuqe mban vendin e nëntë me 13 pikë, po aq sa edhe Bylis i vendit të fundit. Disfata ndaj Laçit në fundjavë, ishte fatale për trajnerin Gvozdenoviç, që paraqiti dorëheqjen, e cila u pranua nga presidenca.





Lajmet e fundit nga