web counter
LEXO PA REKLAMA!

SHKARKO APP

App Store
Google Play

Roma në krizë totale/ Atalanta vazhdon garën për titullin, Zaniolo ndëshkon ish-skuadrën e tij (VIDEO)

3 Dhjetor 2024, 08:32, Sport CNA
Roma në krizë totale/ Atalanta vazhdon garën për
Atalanta

Roma-Atalanta mbyllën javën e 14-të të Serie A, në një sfidë që nuk solli asnjë ndryshim në rrugëtimet e këtij sezoni të këtyre dy ekipeve.

Ndeshja e luajtur në “Olimpico” u mbyll me rezultatin 0-2, me kryeqytetasit që nuk dinë si të dalin nga kriza, teksa bergamaskët vazhdojnë garën për titullin e Serie A.

Pjesa e parë u mbyll me porta të paprekura, pavarësisht rasteve nga të dyja skuadrat, teksa u desh minuta e 69’, që të realizohej goli i parë.

De Roon gjeti rrugën drejt rrjetës dhe kaloi ekipin e Atalanta-s në avantazh.

Ndërkohë, në minutën e 89’ Zaniolo shënoi golin e dytë, duke ndëshkuar ish-ekipin e tij, si dhe vulosi rezultatin e këtij takimi.

Sa i përket mbrojtësit të Kombëtares shqiptare të futbollit, Berat Gjimshiti, duket se e ka kaluar dëmtimin, ndërsa pati disa minuta në këtë sfidë, me kapitenin kuqezi që u aktivizua në minutën e 83’.  

Pas javës së 14-të të Serie A, Roma vuan në vend të 15-të me 13 pikë, teksa Atalanta renditet në vend të dytë me 31 pikë, një pikë më pak se Napoli që mban kreun./CNA

 





Lajmet e fundit nga