web counter
LEXO PA REKLAMA!

SHKARKO APP

App Store
Google Play

Slot “thumbon” keq City-n: Mbase Salah e di që ata nuk do luajnë në Premier League sezonin tjetër

3 Dhjetor 2024, 13:52, Sport CNA
Slot “thumbon” keq City-n: Mbase Salah e di që ata nuk do
Arne Slot

Vetëm disa ditë pasi udhëhoqi Liverpool-in drejt fitores bindëse 2-0 ndaj Manchester City-t, trajneri Arne Slot “thumboi keq” kampionët në fuqi të Premier League.

Në konferencën e dhënë për shtyp këtë të martë, tekniku holandez u pyet për të ardhmen e Mohamed Salah, të cilit i skadon kontrata në fund të sezonit dhe me sulmuesin që të dielën deklaroi se fitorja 2-0 ndaj City-t mund të jetë ndeshja e tij e fundit kundër kësaj skuadre në “Anfield”.

Slot u shpreh se ndoshta Salah e di më mirë se të tjerët, që sezonin e ardhshëm Manchester City me shumë mundësi nuk do të luajë në Premier League.

"Ndoshta Mohamed di më shumë se ne të tjerët për 115 akuzat që janë bërë ndaj City-t, kështu që ai pret që ata të mos jenë në Premier League sezonin e ardhshëm. Bëj shaka”-deklaroi trajneri i Liverpool-it.

Manchester City përballet me më shumë se 100 akuza, që datojnë nga viti 2009 deri në vitin 2018, për shkelje të “Fair Play-t Financiar” që dyshohet se janë kryer kur klubi po përpiqej të vendosej si forca më e madhe në futbollin anglez.

Dënimi mund të jetë po aq ekstrem sa përjashtimi nga kampionati. Manchester City i ka mohuar vazhdimisht akuzat në të gjitha seancat dëgjimore, me dyer të mbyllura. Ndërkohë, vendimi nuk pritet te merret deri në fillim të vitit të ardhshëm./CNA

 





Lajmet e fundit nga