web counter
LEXO PA REKLAMA!

SHKARKO APP

App Store
Google Play

Brdariç: Ekipi duhet të reagojë, ndaj Dinamos do të jetë ndeshje e vështirë

3 Dhjetor 2024, 12:01, Sport CNA
Brdariç: Ekipi duhet të reagojë, ndaj Dinamos do të
Thomas Brdaric

Java e 16-të e Kategorisë Superiore nis këtë të mërkurë, ndërsa janë planifikuar të luhen tri takime, një nga këto ndeshje është ajo mes Vllaznisë dhe Dinamos.

Duke folur për mediet në prag të kësaj sfide, trajneri i skuadrës shkodrane, Thomas Brdariç, u shpreh se pret reagim nga skuadra pas disfatës në Ballsh.

“Ndeshja e kësaj të mërkure është speciale. Mezi po presim të luajmë, pasi në fundjavë patëm rezultat zhgënjyes me Bylisin dhe do shoh nëse do të reagojë ekipi”-tha ai si fillim.

Më tej, duke analizuar kundërshtarin e radhës, tekniku gjerman u shpreh se nën drejtimin e Ilir Dajës, Dinamo është rritur.

“Dinamo ka bërë progres të mirë në drejtimin e Dajës, janë kandidat serioz për “Final Four”, sezoni është i gjatë, na duhet të marrim rezultat të mirë çdo ndeshje. Do jetë ndeshje e fortë kundër tyre, prandaj duhet të jemi shumë të përgatitur”-shtoi Brdariç.

49-vjeçari, gjithashtu shtoi se objektivi i tij është që të jenë të pamposhtur në Shkodër.

“Objektivi ynë është që të mbetemi të pamposhtur në Shkodër. Të gjithë e dinë se dua të fitoj çdo ndeshje, nuk ka lidhje me cilin ekip luajmë. Duhet t’i tregojmë fytyrë të mirë kundërshtarit, të tregojmë që luajmë në shtëpi dhe e kemi ndeshjen në kontroll”-tha ndër të tjera Thomas Brdariç.

Vllaznia-Dinamo luhet këtë të mërkurë, duke nisur nga ora 19:30 në stadiumin “Loro Boriçi”./CNA

 





Lajmet e fundit nga