web counter
LEXO PA REKLAMA!

SHKARKO APP

App Store
Google Play

Kategoria Superiore, java e 16-të e kampionatit luhet këtë mesjavë

3 Dhjetor 2024, 12:34, Sport CNA
Kategoria Superiore, java e 16-të e kampionatit luhet këtë
Partizani

Në mesjavë do të luhen ndeshjet e javës së 16-të të Kategorisë Superiore. AF Elbasani – Bylis dhe Teuta – Laçi janë dy takimet e para të kësaj jave, në orën 16:30.

Në stadiumin “Elbasan Arena”, të zotët e shtëpisë do të kërkojnë të rikthehen te fitorja pas një ecurie jo shumë të mirë në kampionat. Megjithatë, ballshiotët vijnë pas fitores me Vllazninë dhe janë në një moment të mirë.

Në stadiumin “Niko Dovana”, Teuta do të presë Laçin. Një ndeshje interesante, ku të dyja ekipet do të kërkojnë fitoren.

Të mërkurën në mbrëmje, në 19:30 do të luhet një nga takimet më të forta të javës së 16-të. Vllaznia dhe Dinamo City do të përballen në “Loro Boriçi”. Kuqeblutë do të kërkojnë të rikthehen te fitorja në shtëpi, ndërsa blutë e Dinamos synojnë rezultatin e radhës pozitiv.

Java e 16-të do të ulë siparin të enjten me dy takimet e fundit, në orën 17:00. Në Korçë do të luhet sfida Skënderbeu – Tirana, ndërsa në “Arenën e Demave” Partizani do të përballet me Egnatian. Dy sfida interesante, ku skuadrat synojnë maksimumin e pikëve./CNA

Kategoria Superiore, java e 16-të e kampionatit luhet këtë





Lajmet e fundit nga