Merkato "e vakët", Skënderbeu i fokusuar te Migen Memelli

24 Qershor 2022, 08:07, Sport CNA
Merkato "e vakët", Skënderbeu i fokusuar te Migen Memelli

Skënderbeu po tregohet tejet i kujdesshëm në merkato. Qëllimi është që të ndërtohet një ekip kompetitiv për sezonin 2022-2023, që të mos diskutohet ngitja e menjëhershme në elitë.

Deri më tani Skënderbeu ka zyrtarizuar vetëm dy afrime në ekip, që i bashkohen pjesës tjetër të 10 lojtarëve që kanë një kontratë aktive nga sezoni i kaluar.

Bardhekuqtë kanë marrë Rapën nga Gjilani për mbrojtjen dhe kongolezin Meil për mesfushën.

Drejt zyrtarizimit është edhe roli i kryepankinës, atje ku Migen Memelli duket shumë afër firmës. Dëshira për t’u kthyer në Korçë nuk i mungon dhe këtë ia ka bërë të qartë edhe presidentit.

Tashmë i mbetet Ardjan Takajt që të plotësojë kushtet e vendosura prej 42-vjeçarit, që “operacioni” të mbyllet me sukses. Nëse zyrtarizmi i trajnerit nuk vonon, nuk përjashtohet mundësia që muaji korrik ta gjejë ekipin në fushë.

Lajmet e fundit nga