Armando Broja u vendos kushtin e papritur të gjitha ekipeve që interesohen për të

23 Qershor 2022, 07:51, Sport CNA
Armando Broja u vendos kushtin e papritur të gjitha ekipeve që

Armando Broja është pa dyshim një nga emrat më të lakuar në këtë merkato vere. Të shumta kanë qenë klubet europiane, që kanë shfaqur interes për shërbimet e sulmuesit shqiptar që bëri një sezon të shkëlqyer te Sauthemptoni, në sezonin që sapo u mbyll. Kartoni i yllit shqiptar është në pronësi të Çelsit, që kërkon afro 30 milionë paund për ta lënë të lirë Brojën.

Ndërkohë, së fundmi gazetari i “Goal”, Nizar Kisnella, zbulon se një kusht i vendosur nga sulmuesi i Shqipërisë në negociatat me të gjitha klubet që interesohen për të, është garancia që kërkon Broja për të qenë në plan të parë. 20-vjeçari do të aktivizohet si titullar dhe jo të jetë zgjedhje dytësore në klubin që ai do të transferohet.

Uest Hemi, Napoli, Atalanta, Evertoni, Lacio, janë disa nga emrat e rëndësishëm që kanë shfaqur interes për shërbimet e bomberit shqiptar. Gjithsesi, ekziston mundësia, që me Lukakun thuajse të larguar, që Brojës t'i jepet një shans edhe te klubi prestigjioz i Çelsit.

Lajmet e fundit nga