Dibala tek Interi, pritet të bindet vetëm menaxheri

21 Qershor 2022, 22:29, Sport CNA
Dibala tek Interi, pritet të bindet vetëm menaxheri
Paulo Dibala

Mes Paulo Dibalës dhe Interit bisedimet vazhdojnë që të jenë shumë intensive dhe ditën e djeshme ka ardhur edhe zgjidhja definitive, të paktën me futbollistin.

Drejtuesit zikaltër kanë vendosur që të bëjnë hapin final, duke kaluar nga oferta prej 5 milionësh plus 2 bonuse në 6 milionë euro neto rrogë dhe 1 milion bonuse. Ky detaj aspak i vogël ka bërë edhe diferencën e madhe në pritje të firmës, ndonëse tani Interi duhet të kënaqë edhe kërkesën ekonomike të menaxherit të argjentinasit, Horge Antun.

Ky i fundit ishte ai që këmbënguli për Paulon në ngjyrat zikaltër, por është totalisht i pakënaqur nga trajtimi që po i bën Interi, i cili nuk kërkon të kënaqë kërkesën e tij ekonomike për punën e bërë, që përflitet të jetë 4 milionë euro.

Për momentin zikaltrit mendohet se kanë ofruar 1, por duhen të paktën edhe 2 milionë të tjera (3 milionë në total si komision) për të shtrënguar duart sa më shpejt. Fundja, Horge Antun largoi shumë pretendente për argjentinasin si Junajtidi, Atletiko e PSG-ja, për t’ua lehtësuar gjërat zikaltërve.

Lajmet e fundit nga