Trajneri i njohur telefonon Muriqin: Mos shko askund, të pres tek ekipi im

21 Qershor 2022, 06:56, Sport CNA
Trajneri i njohur telefonon Muriqin: Mos shko askund, të pres tek ekipi im
Vedat Muriqi

Trajneri i ri i Gallatasarajit, Okan Buruk, ka kërkuar nga Vedat Muriqi të mos nënshkruajë me asnjë skuadër, pasi e do pranë vetes për sezonin e ri. Muriqi përfundoi huazimin e shkëlqyeshëm te Majorka, skuadër që nuk mundi ta blejë shkaku i gjendjes së vështirë financiare që po kalon ajo dhe shumë ekipe të tjera po ashtu.

Tani, Gallatasaraj është hedhur në sulm për Muriqin, derisa trajneri e ka telefonuar duke i kërkuar të mos nënshkruajë me asnjë skuadër. “Okan Buruk telefonoi Vedat Muriqin dhe i tha ‘Mos shko tek asnjë skuadër, ne do të takohemi te Gallatasarj”, raporton "Footmaç".

Marrëveshja e Lacios me Majorkën në janar ishte për huazim me të drejtë blerjeje në fund të sezonin për 12 milionë euro, por klubi spanjoll nuk është i gatshëm të paguajë kaq për shqiptarin. Në anën tjetër, Gallatasaraj është i gatshëm t’i japë Lacios 15 milionë euro, një super ofertë që nuk ka si të refuzohet nga klubi bardhekaltër, por tani çdo gjë është në dorën e lojtarit.

Lajmet e fundit nga