web counter
LEXO PA REKLAMA!

SHKARKO APP

App Store
Google Play

E fundit!

x

Mesfushori i Skënderbeut transferohet në Greqi

20 Qershor 2022, 08:08, Sport CNA
Mesfushori i Skënderbeut transferohet në Greqi
Skënderbeu i Korçës

Klubi i Skënderbeut duket se po zgjidh çështjen e trajnerit me kthimin e Migen Memellit, por gjithsesi ka një problem të madh përpara, pasi shumë nga futbollistët e sezoneve të fundit kanë mbyllur kontratat ose janë shkëputur nga korçarët. Listës së gjatë të atyre që janë larguar nga Skënderbeu i është shtuar edhe mesfushori ganez Randi Dumfur.

Ky i fundit ka qenë pjesë e formacionit titullar në dy sezonet e fundit dhe shihej si një element me perspektivë që mund të vazhdonte të ndihmonte Skënderbeun në vitet në vijim. Por bashkëpunimi nuk do të vazhdojë, pasi ai është prezantuar sot si lojtari i ri i Episkopi FC në kategorinë e dytë greke. Klubi bëri të ditur se kishte firmosur për një vit me mesfushorin ganez, i cili nga ana e tij e vlerësoi si një sfidë të rëndësishme për karrierën.

“Unë kam dëshirë të përmbush pritshmërinë që ka skuadra në një nga ligat kryesore të futbollit grek. Jam i gatshëm që të përfshihem në mënyrën se si luhet futbolli këtu. Do të jap gjithçka për të arritur objektivat e klubit”, theksoi Dumfur.

Mesfushori i Skënderbeut transferohet në Greqi
Randi Dumfur




Lajmet e fundit nga