web counter
LEXO PA REKLAMA!

SHKARKO APP

App Store
Google Play

E fundit!

x

"Babai punonte në ndërtim, mamaja mblidhte shishe"/ Ylli i ri i Liverpulit surprizon me rrëfimin special

19 Qershor 2022, 21:04, Sport CNA

Sulmuesi më i ri i Liverpulit, Darvin Nunez, në disa intervista të realizuara më herët ka treguar rreth historisë së tij tejet të dhimbshme dhe luftës që kishte pasur për mbijetesë gjatë kohës së fëmijërisë.

"Babai punonte në ndërtim, mamaja mblidhte shishe"/ Ylli i
Nunez me prindërit

Nunez para pak ditësh është bërë nënshkrimi më i shtrenjtë në historinë e ‘The Reds’. Për të siguruar shërbimet e tij klubi ka paguar te Benfika 75 milionë euro dhe 25 milionë të tjera do të jenë bonuse.


‘Nuk harroj kurrë se nga vij’, ishin fjalët e Nunezit në njërën prej intervistave, ku më tutje shpjegon se si babai i tij punonte në kantier ndërtimi për tetë deri në nëntë orë çdo ditë.

"Nuk harroj kurrë se nga vij, jam pjesë e një familjeje të përulur dhe punëtore. Babai im punonte si punëtor në një kantier ndërtimi për tetë ose nëntë orë çdo ditë. Ai kur binin në zbritje këpucët e futbollit, përpiqej të gjente para për të mi blerë ato”, kishte thënë Nunez.

Më tej sulmuesi kishte folur edhe për mamanë e tij, për të cilën kishte treguar se ajo kishte ecur nëpër rrugët e qytetit, Artigas, në Uruguai për të mbledhur shishe bosh dhe për t’i shituar ato në dyqane, ku shton se ëndrra e tij kishte qenë të blejë një shtëpi për familjen e tij dhe të hapte një biznes për ata në të ardhmen.

”Mamaja ime ishte shtëpiake. Por ajo ecte nëpër rrugët e qytetit duke mbledhur shishe bosh për t’i shitur në dyqane. Ne kishim një shtëpi në Artigas, por ajo nuk ishte kurrë në gjendje të mirë për shkak të dëmeve nga përmbytjet”.

”Mendimi im i parë kur fillova të luaja futboll ishte të blija një shtëpi për prindërit e mi dhe të hapja një biznes për ata. Ky ishte qëllimi im. Kam vazhduar të punoj shumë për të kënaqur mamin dhe babin, sepse ata bënë gjithçka për mua. Është sikur po u kthej atyre diçka për të gjithë dashurinë që më dhanë”, deklaronte 22-vjeçari.

Siç duket Nunez qenka shumë i lidhur me mamanë e tij edhe pse dashuria e babait thotë se është unike, ai ka shpjeguar se si nëna e tij kishte shkuar në shumë raste me barkun e zbrazët vetëm që të ushqehen të tjerët.

”Dashuria e babait është unike, ai më tregoi se jo gjithçka në jetë është materiale. Po, shpesh shkoja në shtrat me barkun bosh. Por i vetmi person në shtëpi që shkonte me barkun më të zbrazët ishte mamaja ime. Një nënë bën gjithçka për fëmijët e saj. Mamaja ime shpesh shkonte të flinte natën pa ngrënë asgjë, sepse donte të ushqente të tjerët”, shpjegonte ish-sulmuesi i Benfikës.

Nunez tani me shumë mundësi ka një jetë të mirë dhe i janë shpaguar të gjitha sakrificat që ka bërë gjatë jetës për të arritur në majat e larta të futbollit. Ai me gjasë edhe e ka arritur ëndrrën e tij, pra t'u blinte një shtëpi prindërve të tij dhe të hapte një biznes për ata.





Lajmet e fundit nga