E kërkon Sampdoria, te Juventusi marrin vendimin për Vrionin

20 Qershor 2022, 22:06, Sport CNA
E kërkon Sampdoria, te Juventusi marrin vendimin për Vrionin
Xhakomo Vrioni

Xhakomo Vrioni ka oferta nga Seria A. Sampdoria është klubi i interesuar për sulmuesin e Juventus U-23 dhe Kombëtares shqiptare, i cili sezonin e kaluar shkëlqeu në elitën e futbollit austriak. 23-vjeçari u huazua te Tiroli dhe u shpall golashënuesi më i mirë i kampionatit me 19 gola, po aq sa shënoi edhe Karim Adejemi, i cili u transferua nga Salcburgu te Dortmundi për 30 milionë euro.

Vrioni ka dalë nga moshat e Sampdorias, klub që e shiti te Juventus U-23 për 3.9 milionë euro në janarin e vitit 2020. Në fillim dukej thjesht një plusvlerë (false), por në fakt ishte lojtar (i vërtetë). Vlera e tij është rritur ndjeshëm. Maks Alegri ka planifikuar ta marrë me vete në fazën përgatitore, me Vrionin që do të tentojë të shfrytëzojë këtë mundësi fantastike.

Sampdoria e kërkon përsëri, klubi dorian e do në huazim, ndërkohë që drejtuesit e Juventusit e vlerësojnë 10 milionë euro Xhakomo Vrionin. Në rast se shkëlqen në këtë fazë përgatitore, atëherë nuk do të ishte surprizë të qëndronte te “Zonja e Vjetër” për sezonin e ri dhe të luante shansin e jetës.

Lajmet e fundit nga