web counter
LEXO PA REKLAMA!

SHKARKO APP

App Store
Google Play

Armando Broja, drejt skuadrës së njohur të Premier League për 35 mln euro

20 Qershor 2022, 21:17, Sport CNA
Armando Broja, drejt skuadrës së njohur të Premier League
Armando Broja

Armando Broja është në qendër të merkatos, në këtë dritare transferimesh. Ylli shqiptar, falë paraqitjeve të tij të shkëlqyera me Sauthemptonin, ka arritur të joshë shumë klube europiane, që kërkojnë shërbimet e sulmuesit. Uest Hemi është klubi i Premier Ligës që po insiston të transferojë Armando Brojën nga Çelsi në këtë afat kalimtar të kësaj vere, raporton eksperti i merkatos, Xhanluka di Marcio.

Uest Hemi kërkoi të parakalojë skuadrat rivale të interesuara për Brojën me një super ofertë, duke ofruar deri në 35 milionë euro për kartonin e yllit të Shqipërisë. Sulmuesi është objektiv primar për Uest Hemin në këtë merkato, teksa drejtuesit po punojnë për një marrëveshje që do të konsistonte në blerjen përfundimtare të kartonit.

Për Brojën ka pasur interesim të madh edhe nga klubet e Serisë A si Napoli, Lacio, Atalanta dhe së fundmi Bolonja, por dëshira e lojtarit është të qëndrojë në Premier League. Po ashtu interes të vazhdueshëm ka pasur dhe ka edhe nga ekipet e tjera të Premier League si Uolvesi, Evertoni, Sauthemptoni dhe Njukasëlli.





Lajmet e fundit nga