web counter
LEXO PA REKLAMA!

SHKARKO APP

App Store
Google Play

E fundit!

x

Juventusi duhet të bindë gruan e Di Marias/ Ajo do të shohë Torinon para se të vendosë

20 Qershor 2022, 20:51, Sport CNA

Angel di Maria është duke shijuar pushimet në Ibiza me familjen e tij, por ndërkohë vazhdon të mendojë për të ardhmen e tij. Sidomos në lidhje me interesimin e shfrenuar të Juves, që prej ditësh nuk e ka lënë të qetë dhe pret një përgjigje përfundimtare. Një përgjigje që mund të vijë së shpejti.

Sidomos nëse zgjedhja e bardhezinjve do të kënaqë edhe shijet e gruas së Fideos. Sipas "Tuttosport", në fakt, një rol të rëndësishëm në vendimin e Di Marias me siguri do të luajë edhe partnerja e lojtarit. Dhe pikërisht për këtë, bashkëshortët Di Maria mund të ndërpresin për pak pushimet spanjolle për të bërë një vizitë të shpejtë në Torino. Një blic për të krijuar një ide të qytetit personalisht dhe për të kuptuar diçka më shumë rreth mjedisit Juve.

Për momentin nuk është caktuar ende një datë e saktë për udhëtimin në Torino të ish-lojtarit të PSG-së, por përshtypja është se gjithçka mund të ndodhë në një kohë të shkurtër. Juve, në fakt, pret një përgjigje nga Fideo dhe shpreson ta marrë brenda 48 orëve të ardhshme.

Kohë e mjaftueshme që Di Maria dhe familja e tij t’i hedhin një sy qytetit dhe të bëjnë vlerësimet e nevojshme për ofertën e Juventusit me më shumë elementë në dispozicion. Një detaj që megjithatë paraqet një lajm pozitiv për Juventusin. Nëse Di Maria nuk do të tundohej nga bardhezinjtë, në fakt, ai me siguri nuk do të ndërpriste pushimet për të ardhur e për të parë Torinon nga afër.





Lajmet e fundit nga