Memelli akord me Skënderbeun, por ka një kusht

21 Qershor 2022, 21:45, Sport CNA
Memelli akord me Skënderbeun, por ka një kusht
Migen Memelli

Migen Memelli nuk e ka përjashtuar mundësinë për t'u rikthyer te Skënderbeu. Madje, e ka pritur mirë. E megjithatë, ka pasur kërkesat e veta në lidhje me këtë marrëveshje.

Ndërtimi i një ekipi kompetitiv dhe siguria financiare kanë qenë pikat ku 42-vjeçari ka vendosur theksin. Gjithçka ka mbetur e hapur, pavarësisht se ka një akord verbal mes palëve.

Kujtojmë që Memelli ka ardhur në krye të Skënderbeut në një moment të vështirë dhe pasi shpëtoi një sezon të destinuar për mospërmbushje objektivash, u largua në mes të sezonit pasardhës për të lënë vend për ndryshimin në ekip.

Ai ka mbetur në kujtesë si trajneri që shpëtoi një sezon të shkuar dëm deri diku, ndaj edhe për këtë presidenti i Skënderbeut është i vendosur që ta risjellë në krye të pankinës.

Në ndryshim nga ndonjë kandidat tjetër, ai një pjesë të mirë të ekipit e njeh mirë dhe ambientin po ashtu, ndaj do të kërkonte më pak kohë përshtatjeje.

Lajmet e fundit nga