Skënderbeu firmos për 3 vite me futbollistin e kombëtares së Kongos

22 Qershor 2022, 13:17, Sport CNA
Skënderbeu firmos për 3 vite me futbollistin e kombëtares së
Gutrand Ngunimba Meil

Skënderbeu gjen një “xhol” në Afrikë. Klubi ka bërë goditjen e radhës në merkato. Korçarët nuk po humbasin kohë për të ndërtuar ekipin e Kategorisë së Parë, ku mision i padiskutueshëm do të jetë ngjitja.

Pasi “blinduan” Shkëlzen Ruçin për portën dhe morën Oltion Rapën për prapavijën, kanë arritur akordin edhe me një tjetër futbollist.

Këtë herë kanë kaluar kufijtë dhe bëhet fjalë për një të huaj, konkretisht Gutrand Ngunimba Meil. Lojtari në fjalë është polivalent dhe pritet t’u bëjë shumë punë bardhekuqve.

Sezonin e fundit ai e ka mbyllur te Diabes Noire (në vendin e tij), por në të njëjtën kohë është kontingjent i kombëtares së Kongos.

Të dhënat e tij janë të jashtëzakonshme dhe cilësitë po ashtu. Ngunimba ka luajtur së fundi edhe me kombëtaren e shtetit të tij, në eliminatoret e Kupës së Afrikës.

Mesfushori ka firmosur tashmë një kontratë për tri vite me Skënderbeun, por me opsionin për të rinovuar edhe për një tjetër.

Lajmet e fundit nga