ZYRTARE/ Çdo cikël e ka një fund, Egli Malësija largohet nga Maliqi pas suksesit historik

22 Qershor 2022, 20:32, Sport CNA

ZYRTARE/ Çdo cikël e ka një fund, Egli Malësija largohet

Egli Malësija, ish-trajneri i Maliqit

Egli Malësija nuk do të jetë më trajner i Maliqit. 35-vjeçari i dha fund një cikli 7-vjeçar me skuadrën juglindore, të cilën e ngriti nga hiçi, teksa sezonin e kaluar shkruan historinë, duke milituar për herë të parë në Kategorinë e Parë.

Nëpërmjet një statusi falënderues në rrjetin social “Facebook”, Malësija ka shprehur mirënjohje dhe ka falënderuar të gjithë bashkëpunëtorët, në këtë aventurë të mrekullueshme.

STATUSI I PLOTË I EGLI MALËSISË:

Nga sot nuk do të jem trajner i K.F . Maliqit!

Falenderoj Kryetarin e Bashkisë për besimin dhe mbështetjen e dhënë në gjithë vitet që unë drejtova ekipin! (Gëzim Topçiu )

Mirënjohje për të gjithë ata që pranuan të punonin me mua duke luftuar për ta ngjitur sa më lart ekipin!

Respekt dhe mirënjohje për cdo tifoz që na mbeshteti në ditë të mira dhe të këqija!

Falenderim edhe për cdo lojtar që pranoi të bëhej pjesë e rrugetimit tim duke i uruar suksese secilit në vecanti!

Largohem nga ekipi duke realizuar abjektivin madhor sic ishte ngjitja ne kategorinë e pare dhe me dëshirën se cdo koleg që do të vijë në vazhdim do e ngjitë sa më lart.

Keqardhje për largimin tim sepse ekipin e ngrita nga hiçi dhe shkoi deri në futbollin profesionist por cdo cikël e ka një fund!