web counter
LEXO PA REKLAMA!

SHKARKO APP

App Store
Google Play

Shëndeti mendor/ Situatë e përkeqësuar, rreth 5 mijë vizita në vit në Shkodër

10 Tetor 2025, 15:40, Sociale CNA

Shëndeti mendor/ Situatë e përkeqësuar, rreth 5 mijë

Problemet e shëndetit mendor çdo vit e më shumë janë evidente. Në rajonin verior çdo vit u drejtohen specialistëve për ndihmë 4-5 mijë persona. Në ditën botërore të shëndetit mendor, neuropsikiatri Gjon Preçi ka sjellë në vëmendje pasojat e emigrimit masiv. Pasi sipas tij në banesa kanë mbetur të moshuar dhe të sëmurë gjë e cila rrit vështirësitë e kujdesit për këtë kontigjent.

“Kemi mungesa të burimeve të specializuara. Gjë e cila sjell vështirësi në trajtimin e të sëmurëve. Në banesa kanë mbetur të moshuar dhe të sëmurë. Kjo është një kambanë alarmi sepse mungesa e burimeve të duhura, por edhe e mënyrës së kujdesit rrit vështirësitë. Kjo vështirësi rritet në zonat periferike pasi mungesa e këtyre shërbimeve si p.sh. transporti e bën të pamundur mbulimin”, tha neuropsikiatri Gjon Preçi.

Preçi ka folur edhe për rastet e mostrajtimit të cilat në jo pak situata kanë përfunduar në tragjedi. Ku zanafilla mbeten çrregullimet e shëndetit mendor.

“Sigurisht që ka raste të patrajtuara, të cilat përfundojnë me tragjedi. Janë të shumta rastet e denoncimeve kur i sëmuri dhunon familjarë. Por edhe kanë frikë t’i denoncojnë sepse thonë që i sëmuri mund të bëhet më i rrezikshëm për ta. Rastet që nuk i denoncojnë në gjykimin tonë janë edhe më të shumta”, u shpreh neuropsikiatri.

Ekspertët vazhdimisht kanë kërkuar më shumë vëmendje nga ana e institucioneve për shtimin e kapaciteteve. Pasi në rajonin verior qendra e shëndetit mendor në Shkodër është e vetmja gjë e cila rrit vështirësitë e mbulimit me shërbime./ CNA





Lajmet e fundit nga