web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e gjyqtarit/ Flasin familjarët e palës tjetër: Pronat tona nëpër gjyqe prej 30 vitesh

6 Tetor 2025, 20:28, Sociale CNA

Vrasja e gjyqtarit/ Flasin familjarët e palës tjetër: Pronat tona

Familjarët që janë në gjyq për pronën me familjen Shkëmbi kanë dhënë sot dëshmitë e tyre për mediat, pas ngjarjes së rëndë të kësaj të hëne, ku u vra me armë zjarri brenda sallës së gjyqit në Gjykatën e Apelit në Tiranë gjyqtari Astrit Kalaja.

“Sot ka qënë gjyqi i fundit në Apel. Sot na kanë dhënë të drejtën. Gjyqi ka qenë për të gjithë ne, por nuk mundëm të shkonim në gjyq të gjithë. Sot ka qenë vetëm vendimi përfundimtar për 30 familje. Më vjen keq për gjyqtarin, do shkoj ta takoj familjen e tij. Ai vdiq për ne, që ne të mos dilnim jashtë sepse këtu na ka futur shteti”,-thotë një prej familjarëve.

Familjarët tregojnë se janë në procese gjyqësore me pronat prej 30 vitesh.

“Këtë banesë ku po jetoj, ia kam blerë Gjon Shkëmbit në 1996. Ka 15 vite që jam në gjykata,  ndërkohë që Gjon Shkëmbi ma ka shitur vete me dëshmitar, gjyqtari e ka kaluar në gjyqe. Jemi shqetësuar shumë për gjyqtarindhe  i shprehim ngushëllime. Ka pasur mundësi të ishte edhe burri im aty sepse më datë 25 ka qënë ne gjyq. Sot nuk kishte mundësi të shkonte. Gjon Shkëmbi dhe familja e tij meritojnë burgim të perjetshëm. Është e vështirë të hysh me armë në seancë, ku është shteti. Ishalla Zoti e drejtësia shohin sepse Gjon Shkëmbi na del sapo të mbyllim sytë”,-tregon një familjar.

Banorët tregojnë së Gjon Shkëmbi dhe nipi i tij i kanë kercënuar disa herë me armë, duke i nxjerrë me dhunë nga banesa. Ndërkohë që vendimet e gjyqeve janë në favor të 30 familjeve të zonës./CNA





Lajmet e fundit nga