E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Të moshuarit, pjesë e aktiviteteve kulturore në Shkodër/ Qyteza: Synojmë shërbime të shtuara për këtë grupmoshë

2 Tetor 2025, 17:09, Sociale CNA

Ambientet e Muzeut Historik të Shkodrës u zgjodhen për të zhvilluar një aktivitet ndryshe me të moshuarit e qendrës rezidenciale të qytetit.

Ky aktivitet bëri bashkë institucione, përfaqësues vendorë dhe qytetarë në një atmosferë festive, ku u shfaqën edhe elementë të traditës dhe kulturës shkodrane.

Të moshuarit, pjesë e aktiviteteve kulturore në Shkodër/

Zëvendëskryetarja e Bashkisë Shkodër, Teuta Qyteza, përshëndeti të pranishmit duke theksuar angazhimin e bashkisë për të ofruar më shumë shërbime sociale dhe aktivitete që u japin hapësirë e dinjitet të moshuarve në jetën e përditshme të qytetit.

“Në këtë ditë të veçantë, Bashkia Shkodër riafirmon edhe një herë angazhimin e saj për të përmirësuar cilësinë e jetës së të moshuarve dhe për të siguruar jetë më të mirë. Kontributi i tyre gjatë gjithë jetës është i madh. Dita e të moshuarve është një kujtesë që të kemi vëmendjen ndaj tyre. Është kënaqësi të themi se mosha e tretë është prioritet i yni. Kemi dy qendra komunitare ku u ofrojmë të moshuarve shërbime ditore. Do jemi pranë tyre gjithmonë”,-tha zëvendëskryetarja e Bashkisë Shkodër, Teuta Qyteza.

Vetë të moshuarit, si dhe drejtori i Shtëpisë së të Moshuarve Shkodër, Fatjon Hoxha, vlerësuan përkujdesjen dhe mbështetjen që po i jepet moshës së tretë, duke theksuar se respekti dhe dashuria për të moshuarit janë një detyrim moral e shoqëror.

Të moshuarit, pjesë e aktiviteteve kulturore në Shkodër/

“Mirënjohje për këtë aktivitet. Ne jetojmë në shtëpinë e të mishuarve, por kemi kushte të mira. Kujdesen për ne dhe jemi si shtëpi e dytë aty’,-thotë një e moshuar.

“Jam i priveligjuar që u shërbej disa gjyshërve në shtëpinë e të moshuarve.Tashmë janë bërë si shtëpi e dytë për ne. Mirënjohje për të gjithë bashkëpuntorët tanë që ndihmojnë në ofrimin e shërbimeve”,-tha Fatjon Hoxha, drejtor i shtëpisë së të moshuarve në Shkodër.

Atmosfera festive vijoi gjatë nën ritmet e dy artistëve shkodranë, Savjana Vjerdha dhe Glerdit Turmetaj./CNA