E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Dita botërore e kafshëve/ Sterilizohen dhe pajisen me mikroçipë rreth 500 qenushë

4 Tetor 2025, 15:24, Sociale CNA

Dita botërore e kafshëve/ Sterilizohen dhe pajisen me

Në Shkodër u zhvillua një aktivitet i veçantë me rastin e Ditës Botërore të Kafshëve, ku u përcollën mesazhe për më shumë dashuri e përgjegjësi ndaj katërputroshëve. Në këtë aktivitet vullnetarë të strehëzave së qenve ndanë përvojën dhe përkushtimin e tyre të përditshëm.

"Është një dëshirë shumë e madhe e secilit prej nesh të bëhemi pjesë e kafshëve në komunitet. Nëse në fund të ditës lodhja është e madhe, shpërblimi është edhe më më i madh".

"Unë i kam në zemër. Vullnetarë jemi prej kohësh. Ne kemi moton në qendrën tonë "Një ditë ndryshe" sepse duke kaluar një ditë me to, sikur gjallërohen. Të paktën 6 ditë në javë jemi në strehë. Jemi vullnetarë që edhe kur nuk jemi me trup në strehëz jemi me shpirt."

"Unë jam vullnetar tek strehëza e bashkisë prej 1 viti. Kam nisur me adoptimin e një qenushi dhe prej atij momenti nuk u ndahem më kafshëve".

"Është pasion që ka ardhur që nga fëmijëria ndoshta nga ndikimi i xhaxhait që e kam veteriner. Prej 1 viti e gjysmë jam në Shkodër, kam krijuar edhe një biznes ku ofroj ushqim për kafshët."

Ndërkohë, drejtori i Shërbimit Veterinar pranë Bashkisë Shkodër, Sokol Malaj, tha se prej 1 viti janë sterilizuar dhe vendosur mikroçipë për 500 qenushë.

"Prej prillit të vitit të kaluar kemi nisur projektin e sterilizimit. Deri më tani kemi sterilizuar rreth 500 qenushë, ky proces do të vijojë së bashku me mikroçipin që vendosim. U bëj thirrje të gjithë qytetarëve që kanë kafshë që t’i regjistrojnë ato në mënyrë më të sigurtë dhe të shëndetshme. Janë dy strehëza dhe së shpejti nis puna për strehën e 3 e cila do të strehojë rreth 100 qenushë. Sjellja e kafshëve nga qytete të tjera është një shqetësim dhe kemi kërkuar edhe ndihmën e policisë bashkiake për evidentimin e rasteve".

Sjellja e kafshëve nga qytete të tjera si dhe braktisja e tyre mbeten shqetësimet më të mëdha që veterinerët evidentojnë.

Apeli u drejtohet qytetarëve për më shumë kujdes ndaj kafshëve dhe mosbraktisje të tyre./ CNA