web counter
LEXO PA REKLAMA!

SHKARKO APP

App Store
Google Play

E fundit!

x

Raporti i UNICEF: 85 milionë fëmijë në mbarë botën nuk ndjekin shkollën

5 Tetor 2025, 19:13, Sociale CNA

Raporti i UNICEF: 85 milionë fëmijë në mbarë botën

Sot është Dita Botërore e Mësuesve, e themeluar në vitin 1994 për të përkujtuar nënshkrimin e Rekomandimit mbi Statusin e Mësuesve, të hartuar në Paris më 5 tetor 1966.

Me këtë rast, UNICEF ka ndarë disa të dhëna për mësuesit, që qëndrojnë në zemër të arsimit, por kjo fushë vazhdon të vuajë nga mungesa e investimeve dhe numri i ulët i studentëve.

Sipas një raporti nga Fondi i Kombeve të Bashkuara për Fëmijë, vetëm 31% e vendeve kishin sisteme efektive të zhvillimit profesional të mësuesve, më pak se gjysma e objektivit prej 64%.

Në mbarë botën, thuhet në raport, numri i fëmijëve dhe të rinjve jashtë shkollës ka qenë rreth 265 milionë për një dekadë, por vlerësimet e fundit tregojnë se shifra po rritet në 272 milionë në vitin 2023.

Sipas UNICEF-it, Ndihma Zyrtare për Zhvillim për arsimin do të ulet me 3.2 miliardë dollarë amerikanë, një rënie prej 24% nga viti 2023. Kjo rënie do të rriste numrin e fëmijëve jashtë shkollës në mbarë botën nga 272 milionë në 278 milionë.

Duke parë situatën e fëmijëve që nuk ndjekin shkollën, UNICEF vlerëson se 234 milionë fëmijë kanë nevojë për mbështetje për të pasur akses në arsim cilësor, një rritje prej 35 milionësh në tre vitet e fundit.

Nga këta 234 milionë fëmijë, 85 milionë nuk ndjekin fare shkollën: 52% janë vajza, 17% janë refugjatë ose persona të zhvendosur brenda vendit dhe mbi 20% janë fëmijë me aftësi të kufizuara./CNA





Lajmet e fundit nga