E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Sensibilizim për 19-vjeçaren Darda Dhimo, e diagnostikuar me leuçemi 3 muaj më parë

28 Shtator 2023, 13:47, Sociale CNA

Sensibilizim për 19-vjeçaren Darda Dhimo, e diagnostikuar me

Algent Bregu

Një organizim i thjeshtë, por me plot humanizëm me mbështetje morale, shpirtërore dhe monetare për Darda Dhimon. Xhiroja me biçikleta rreth qytetit bëri bashkë qytetarët korçarë për ta mbështetur Dhimon në luftën me leuçeminë.

Algent Bregu, organizatori i kësaj nisme, shprehet i lumtur për këtë solidarizim nga qytetarët duke bërë të mundur edhe ndihmën financiare për kurim.

“Pjesëmarrja ishte shumë e madhe. Faleminderit që erdhën. Nuk erdhën për mua, nuk erdhën për asnjë lloj institucioni. Erdhën thjesht të bëheshin pjesë e nismës sonë. Të gjithë të apasionuarit e biçikletës ishte kënaqësi për të marrë pjesë në këtë event, për të dhënë fjalë inkurajuese, kontributin e tyre. Pjesëmarrja e tyre ishte më tepër se gjithçka tjetër. Shkoi ashtu siç e kishim menduar mbase dhe akoma më mirë.

Të them të drejtën me aq sa kemi dëgjuar dhe parë kurimi i vajzës do një shumë të konsiderueshme. Shpresojmë se nëpërmjet këtyre nismave me vullnetarizimin e të gjithë popullit korçar brenda dhe jashtë vendit gjithashtu besojmë se do të bëjmë kurimin e vajzës dhe më kryesorja është që kurimi i saj po realizohet në mënyrë të përkryer dhe po përmirësohet shëndeti i saj sot. Ndaj dhe ne jemi duke pritur për momentin final kur nga doktorët të dëgjojmë që është plotësisht e shëruar.

Deri tani nga doktorët kemi dëgjuar që shuma është e konsiderueshme, i kalon 160 mijë euro edhe kontributi ynë i të gjithëve vlen, por do t'u bëj thirrje dhe të gjithë pjesës tjetër që ndoshta dëgjojnë nëpërmjet radio televizionit që edhe ata të ofrohen dhe të bëhen pjesë për të ndihmuar këtë vajzë në nevojë”, tha Algent Bregu.

Tezja e Darda Dhimos shprehet mirënjohëse ndaj çdokujt që i ka dhënë mbështetje mbesës së saj në këta muaj të vështirë.

“Askush nuk lufton vetëm është nisma e këtij organizimi që Algent dhe Rona Bregu kanë organizuar për Darda Dhimon, vajzën 19-vjeçare, e cila është diagnostikuar para tre muajsh me leucemi, ku ishte një rrezik për jetën, por lavdi Perëndisë dhe mbështetjes që jeta e saj po transformohet nga momenti në moment.

Në këta tre muaj me ndihmën që i është dhënë me kimiot dhe me anën financiare, mbështetëse një nismë e veçantë si kjo. Faleminderit të gjithëve për mbështetjen, për inkurajimin, të gjithëve që kanë marrë pjesë në këtë nismë, të gjithëve që kanë qenë pjesë e inkurajimit. Faleminderit Zotit që nuk na harron kurrë.

Lutja e Perëndisë ishte: Unë kam parë lotët e tu, unë kam dëgjuar lutjen tënde dhe unë do të shëroj”, është shprehur tezja e Darda Dhimos.

Edhe një qytetar shprehet se këto lloj organizimesh me në fokus personat qe kanë nevoja të tilla janë tepër emocionuese.

“E para njëherë aktiviteti i sotëm ishte i thjeshtë, i bukur dhe emocionues. Aktivitete të tilla të cilat janë në fokus të mbrojtjes së shëndetit dhe kujdesit për shëndetin aq më tepër për një vajzë të re që po lufton me sëmundjen e saj, të qenit bashkë është vërtetë një shtysë dhe një mbështetje për të edhe në aspektin psikologjik”, ka thënë ai.

19-vjecarja u njoh me sëmundjen e leuçemisë disa disa muaj më parë dhe është duke u kuruar. Ajo ka pasur përmirësime, por trajtimet janë ende të nevojshme për të siguruar një shëndet të plotë. Kushdo në ndihmë të saj , "Askush nuk lufton i vetëm"!/ CNA