web counter
LEXO PA REKLAMA!

SHKARKO APP

App Store
Google Play

Prag fundjave me vranësira/ Mbrëmja sjell përmirësim të kushteve të motit

27 Janar 2023, 08:12, Sociale CNA

Prag fundjave me vranësira/ Mbrëmja sjell përmirësim të

Vendi ynë mbetet nën ndikimin e vranësirave të shpeshta të cilat herë pas here do të pësojnë zhvillime deri në orët e pasdites duke krijuar mundësi për reshje të pakta dëbore në skajin Verior dhe reshje shiu e dëbore në Jug të territorit.

Ndërsa pjesa tjetër e Shqipërisë do të jetë me alternime kthjellimesh dhe vranësirash të shpeshta.

Mbrëmja do të sjellë përmirësim të kushteve atmosferike edhe në këto zona.

Temperaturat e ajrit do të mbeten konstante në mëngjes, por do të ulen në mesditë duke u luhatur nga -6°C deri në 13°C.

Era do të fryjë e lehtë dhe mesatare me shpejtësi 28  km/h nga Lindor Juglindor duke sjellë në brigjet detare dallgëzim 1 - 2 ballë.

Moti, e shtunë, 28 janar 2023

Sipas MeteoAlb, masat ajrore të qëndrueshme, por të ftohta, duke sjellë përgjatë gjithë ditës alternime kthjellimesh dhe kalime vranësirash.

Parashikohet që kthjellimet të jenë më të dukshme gjatë paradites në zonat perëndimore të Shqipërisë.

Ndërsa pjesa e dytë e ditës do t'i bëjë të dukshme vranësirat e lehta në të gjithë territorin, ku më të theksuara do të jenë në zonat Lindore.

Temperaturat e ajrit do të vijojnë të ulen në mëngjes dhe në mesditë duke u luhatur nga -7°C deri në 12°C.

Era do të fryjë e lehtë dhe mesatare me shpejtësi 30  km/h nga Verilindor duke sjellë në brigjet detare dallgëzim 2 ballë./CNA.al





Lajmet e fundit nga