web counter
LEXO PA REKLAMA!

SHKARKO APP

App Store
Google Play

Cikloni në Mesdhe rikthen shiun në vendin tonë/ Parashikimi i motit për sot dhe nesër

25 Janar 2023, 08:06, Sociale CNA

Cikloni në Mesdhe rikthen shiun në vendin tonë/ Parashikimi i

Territori shqiptar përgjatë orëve të para të ditës do të jetë në mbizotërimin e kushteve të qëndrueshme atmosferike, duke sjellë alternime kthjellimesh dhe vranësirash kalimtare.

Parashikohet që kthjellimet më të dukshme të jenë në zonat perëndimore.

Por gjatë pasdites dhe mbrëmjes parashikohet që vranësirat të theksohen në të gjithë vendin tonë duke sjellë reshje të pakta shiu dhe reshje të pakta dëbore në zonat malore.

Më të dukshme reshjet do të jenë në zonat jugore.

Temperaturat e ajrit do të vijojnë të ulen në mëngjes, por do të rriten lehtë në mesditë duke u luhatur nga -6°C deri në 15°C.

Era do të fryjë e lehtë dhe mesatare me shpejtësi 40 km/h nga Verilindja duke sjellë në brigjet detare dallgëzim 2 - 3 ballë.

Moti, e enjte, 26 janar 2023

Sipas MeteoAlb, zhvillimi i një minicikloni në Mesdhe do të diktojë motin edhe në territorin shqiptar, duke sjellë përgjatë gjithë ditës vranësira të shumta në të gjithë vendin tonë.

Reshjet do të jenë prezente që në orët e para të ditës në zonat Jugore dhe Juglindore në formën e reshjeve të shiut dhe dëborës në zonat malore.

Por pjesa e dytë e ditës do të zhvillojë vranësirat në të gjithë territorin duke gjeneruar reshje shiu në ultësirën perëndimore dhe në qytetet e zonave malore do të ketë reshje dëbore, ku më të dukshme do të jenë në zonat Juglindore.

Temperaturat e ajrit do të rriten në mëngjes, por do të ulen në mesditë duke u luhatur nga -5°C deri në 14°C.

Era do të fryjë e lehtë dhe mesatare me shpejtësi 30 km/h nga Lindja duke sjellë në brigjet detare dallgëzim 2 ballë./CNA.al





Lajmet e fundit nga