E fundit!

11:38 Aktualitet

Dalin mesazhet/ Deputetët e PD-së kundër bojkotit të seancës në Kuvend

Vendimi i Partisë Demokratike për të mos marrë pjesë në se...

Zhiva (Mërkuri) vret

10 Dhjetor 2023, 19:48, Shëndeti Ilir Allkja

Amalgama dentare është një përzierje e mërkurit (zhivës), argjendit, bakrit, kallajit dhe zinkut që përdoret për mbushjen e dhëmbëve prej më shumë se 150 vitesh.

Përdoret në mbarë botën pasi ka kosto të lirë dhe qëndrueshmëri afatgjatë. Në Shqipëri para viteve 90" ka qenë mbushja e vetme që ofrohej nga stomatologët. Kam takuar njerëz me dhëmbë të mbushur prej më shumë se sa 30 vitesh.

Por a është e sigurt amalgama që përdoret për dhëmbët?

Sipas FDA mbushjet me amalgamë dentare mund të lëshojnë sasi të vogla të merkurit në formën e një avulli (gazi), në varësi të numrit të mbushjeve si dhe moshës së tyre.

Veprime si përtypja e ushqimeve mesatarisht të forta e të forta, përtypja e çamçakëzit, farave etj rritin nivelin e zhivës (mërkurit) në gjak.

Kur vendoset një mbushje e re amalgame ose hiqet një mbushje e vjetër, pacientët por dhe vetë dentistët mund të përjetojnë një rritje të përkohshme të ekspozimit ndaj avullit të mërkurit.

Në përgjithësi, njerëzit me mbushje të shumta dentare me amalgamë mund të kenë nivele disi të larta të mërkurit në gjakun ose urinën e tyre, dëmet e tyre në organe, kryesisht në mëlçi konsiderohen të diskutueshme, por ...

Por çfarë thonë studimet qindra vjeçare rreth dëmeve të zhivës në trupin e njeriut.

Ekspozimi ndaj zhivës, qoftë edhe në sasi të vogla mund të shkaktojë probleme serioze shëndetësore pasi ka efekte toksike në sistemin nervor, atë tretës, sistemin genital, atë imunitar, në mushkëri, veshka, lëkurë dhe sy.

Zhiva (mërkuri) ndikon në keqformime të bebit gjatë jetës intra-uterine (shtatzanisë), cirrozën madje kancerin e mëlçisë, kancerin e prostatës, etj.

Miq, në qoftë se keni mundësi hiqini të gjitha mbushjet e zhivës që keni në dhëmbët tuaj! Personalisht unë i kam hequr që para 12 vitesh.

Nuk ka kohë të diskutoni rreth zërave pro e kundër mërkurit në gojën tuaj, unë ju sugjeroj t'i hiqni! Në disa vende dënohesh në qoftë se zhivën e hedh në tokë, ujë etj.

Nuk mund ta mbani në gojën tuaj!