web counter
LEXO PA REKLAMA!

SHKARKO APP

App Store
Google Play

Hulumtimi- Brezi i viteve '90 është më i ngarkuari psikologjikisht/ Shkaktari kryesor, rrjetet sociale

29 Nëntor 2023, 09:11, Shëndeti CNA
Hulumtimi- Brezi i viteve '90 është më i ngarkuari
Foto ilustruese

Njerëzit e lindur në vitet 1990 kanë një përkeqësim të shëndetit mendor më shumë se çdo brez i mëparshëm. Studiuesit nga Universiteti i Sidneit zbuluan se kishte një përkeqësim të dukshëm të shëndetit mendor në çdo brez që nga vitet 1950 e më tej. Rezultatet e studimit tregojnë se brezat e rinj preken shumë më tepër se ata të mëparshmit me kalimin e vitit.

“Pjesa më e madhe e vëmendjes deri më sot është përqendruar në rënien e shëndetit mendor të fëmijëve dhe adoleshentëve, në një moment që ne presim që shëndeti i tyre mendor të përmirësohet ndërsa arrijnë moshën madhore. Por ky studim tregon se kjo po ndryshon dhe se nuk duhet të shqetësohemi vetëm për fëmijët”, tha në një deklaratë autori kryesor Dr. Richard Morris, një studiues i lartë në Shkollën e Mjekësisë dhe Shëndetit të Universitetit të Sidneit.

"Dëshmitë jo vetëm që tregojnë një rënie të vazhdueshme të shëndetit mendor të brezit të ri të sotëm, por vazhdon të prekë gjeneratat e vjetra që tani po shkojnë në të 40-at dhe 50-at e tyre. Ne nuk po i shohim ata të rikuperohen në krahasim me gjeneratat e mëparshme."

Studiuesit gjurmuan ndryshimet në shëndetin mendor të më shumë se 27,500 australianëve nga viti 2001 në 2020, duke vlerësuar çdo grupmoshë gjatë asaj kohe.

Dhe shëndeti mendor i njerëzve të lindur në vitet 1990 nuk përmirësohet me kalimin e moshës, ndryshe nga brezat e vjetër.

Studiuesit kanë vërejtur se mediat sociale luajnë një rol të rëndësishëm në përkeqësimin e shëndetit mendor.

Nga studimet dihet se rrjetet sociale dhe koha e tepërt që kalohet në to shkaktojnë ankth, depresion dhe varësi te brezat e rinj, si dhe rritje të abuzimit emocional, marrëdhënieve toksike dhe seksualizimit të rinisë.

Ndërsa është e paqartë se si do të vazhdojnë tendencat teksa Gen Z dhe Gen Alpha rriten, studiuesit nuk janë optimistë./ CNA

 





Lajmet e fundit nga