3 lloje të ndryshme të dhimbjeve të fytit/ Mënyra më e mirë për të trajtuar secilën prej tyre

26 Nëntor 2023, 10:07, Shëndeti CNA

3 lloje të ndryshme të dhimbjeve të fytit/ Mënyra më e

Foto ilustruese

Nëse keni një rast të dhimbjes së fytit, kjo mund të nënkuptojë se është e dhimbshme për të gëlltitur, ndihet gërvishtje dhe mund të keni edhe një kollë të lehtë.
Por kjo vuajtje e zakonshme e dimrit mund të ketë të gjitha llojet e shkaqeve.

Dhe çdo lloj i dhimbjes së fytit do të kërkojë një formë të ndryshme trajtimi.

Sarah Jarvis, mjeke e përgjithshme dhe konsulente klinike për "Patient.info", dhe Dr. Leyla Hannbeck, farmaciste dhe shefe ekzekutive e Shoqatës së Farmacive të Pavarura të Shumëfishta, i thanë "Sun Health" se ekzistojnë tri lloje të dhimbjes së fytit: laringiti, faringjiti, tonsiliti.

Sipas doktorit, të tria llojet mund të shkaktojnë dhimbje, irritim fyti dhe ndonjëherë edhe temperaturë.

Por mund të ketë edhe disa ndryshime në simptoma.

1. Laringit
Laringit do të thotë inflamacion i laringut.

2. Faringjiti
Faringjiti është inflamacion në pjesën e pasme të fytit, i njohur si faring. Shpesh do të keni më shumë dhimbje dhe mund të keni gjëndra të dhimbshme të fryra.

3. Tonsiliti
Tonsiliti, i cili është ndoshta më i njohuri, është inflamacioni i bajameve.

Por dhimbja juaj e fytit mund të shkaktohet edhe nga bakteret, si dhe nga irrituesit e mjedisit si tymi dhe ajri i thatë, ose përdorimi i tepruar i kordave tuaja vokale. Mënyra se si e trajtoni dhimbjen e fytit shpesh varet më shumë nga shkaku sesa nga vendndodhja e inflamacionit.

Jacquie sugjeroi mënyrat e mëposhtme për të trajtuar një dhimbje të fytit të shkaktuar nga një virus:

Pirja lëngjesh (dy deri në tri litra në ditë) dhe mbajtja e hidratimit - por shmangni lëngjet e nxehta pasi ato mund ta përkeqësojnë atë.

Ngrënia e ushqimeve të buta për të reduktuar shqetësimin

Qetësues të thjeshtë kundër dhimbjeve si paracetamoli ose ibuprofeni për dhimbje dhe temperaturë

Gargarë me ujë të kripur

Marrja e aspirinës nëse jeni të paktën 16 vjeç dhe nuk keni alergji

Nëse dhimbja juaj e fytit është konfirmuar se shkaktohet nga bakteret, atëherë mund t'ju duhen antibiotikë për ta trajtuar atë.

Sipas mjekes në çdo rast duhet të paraqiteni pranë mjekut tuaj për përcaktimin e saktë të diagnozës dhe marrjen e trajtimit të duhur./ CNA