web counter
LEXO PA REKLAMA!

SHKARKO APP

App Store
Google Play

E fundit!

x

Ushqimet që forcojnë sistemin imunitar dhe parandalojnë ftohjet e zakonshme?

20 Nëntor 2023, 07:15, Shëndeti Ilir Allkja

Ushqimet që forcojnë sistemin imunitar dhe parandalojnë ftohjet e

Duket se vjeshta po kalon, ndërsa në prag është dimri, i cili sjell gjithmonë shumë probleme shëndetësore.

Unë si mjek po mendoj se si mund t'ju ndihmoj të mos sëmureni këtë dimër, të paktën ta kaloni lehtë.

Ushqimet që ne hamë mund të ndihmojë në forcimin e sistemit tonë imunitar dhe madje të parandalojë ftohjet e zakonshme. 

Më poshtë po ju prezantoj disa ushqime që ju ndihmojnë të mbështesni sistemin tuaj imunitar.

Qepa

Qepët përmbajnë kuercetinë e cila ka veti antiinflamatore dhe antivirale. Mua më pëlqejnë t’i përdor sepse përmirësojnë shijen e pjatave të përditshme.

Ushqimet e fermentuara

Lakrat turshi, kosi, djathi na pëlqejnë sepse janë shumë të lehta për t'u bërë në shtëpi dhe po aq të lira për t'u blerë në dyqan. Ata pakësojnë rrezikun për infeksione të rrugëve të sipërme të frymëmarrjes.

Boronicat

Këto janë të preferuara për ëmbëlsira, por janë të pazëvëndësueshme për të rritur imunitetin pasi përmbajnë shumë antioksidantë e vitaminë C. Në fakt, ndihmojnë në parandalimin e dëmtimit të qelizave dhe uljen e inflamacionit. Unë i bleva nga disa djem që i mblidhnin në malin e Shebenikut e i mbaj të ngrira. Por edhe të thatat janë shumë të mira, mjafton t’i lini kokrrat disa orë në ujë.

Mos i zzieni kështu i shkatërroni!

Kivi

Është e pasur me vitaminë C, folate, kalium dhe antioksidantë, është treguar se ndihmon në uljen e kohëzgjatjes së ftohjes së zakonshme!

Limonat

Limonat janë të pasur me vitaminë C, fibra dhe komponime të ndryshme bimore të dobishme.

Në fakt, limonat mbështesin shëndetin e zemrës, kontrollin e peshës dhe shëndetin e sistemit të tretjes.

Këshilla ime: - Shtoni limon në çdo gotë ujë që pini!





Lajmet e fundit nga