E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Osteoartriti, siptomat e sëmundjes reumatizmale dhe mjekimi

9 Nëntor 2023, 08:01, Shëndeti CNA

Osteoartriti është një sëmundje e rëndë reumatizmale, me shumë dhimbje, forma më e zakonshme e artritit dhe mund të prekë çdo nyje.

Simptomat priren të zhvillohen me kalimin e kohës. Ato përfshijnë:

- Dhimbje në nyje gjatë aktivitetit, pas aktivitetit të gjatë ose në fund të ditës.

- Ngurtësim të kyçeve zakonisht ndihet në mëngjes ose pasi pushoni.

- Ndjenja e ngurtësimit që mund të largohet pas lëvizjes.

- Ndjenja e kërcitjes kur një gjymtyrë përkulet.

- Ënjtje rreth kyçit/ kyçeve.

- Dobësi muskulore rreth kyçit.

Diagnoza

Historia mjekësore, një ekzaminim i mirë fizik si dhe teste laboratorike ndihmojnë për të vendosur diagnozën e osteoartritit.

Unë i kushtoj rëndësi ekzaminimit të lëngut synovial (i cili aspirohet me anë të një gjilpëre në artikulacion) që ekzaminohet për infeksione ose kristale për të përjashtuar kushte të tjera mjekësore ose formave të tjera të artritit.

Vlerë ka ekzaminimi me rrezet X (RX ose grafija) që mund të tregojë dëmtime të kyçeve ose kockave ose ndryshime që lidhen me osteoartritin.

MRI ose rezonanca magnetike jep një pamje të shkëlqyera të kërcit dhe pjesëve të tjera të buta kyçit të cilat nuk duken në RX.

Mjekimi tradicional

Ilaçet kundër dhimbjes dhe anti-inflamatore për osteoartritin janë të disponueshme si tableta, shurupe, bustina eferveshente, xhel, kremra ose injeksione.

Përgjithësisht anti-inflamatorët ju përkasin 2 klasave; steroidë dhe jo-steroidë. Që të dyja këto klasa kanë efekte të shumtë anësore sistemike dhe locale.

Në qoftë se do të mbivendosim edhe anlagjezikët dëmet në organizëm rriten.

Terapia me oksigjen të infiltruar lokalisht përdoret prej më se 10 vite nga prof. Giovanni Barco në Institutin Ndërkombëtar të Pizës dhe ka rezultuar të jetë shumë e dobishme për njerëzit që vuajnë nga artriti, osteoartriti, spondylartriti dhe herniet intervertebrale.

Infiltrati lokal i oksigjenit ndikon direkt në uljen e dhimbjes dhe inflamacionit pa asnjë efekt anësor.

Ndryshe nga terapitë e tjera me oksigjen, infiltrimet lokalisht të oksigjenit poliatomik (OPL) janë gjetur të jenë shumë më të dobishme, pasi mënjanohet stuhia e radikaleve të lira në gjak, duke parandaluar kësisoj stresin oksidativ në organizëm, ngjarje që janë të pakontrollueshme në terapitë hiperbarike për shkak se përqindja e oksigjenit në ajrin që thithet shkon 80-100%.

Realisht trajtimi me oksigjen të infiltruar lokalisht ndihmon në riparimin e nyjeve të prekura nga sëmundjet rheumatizmale duke parandaluar degradimin e artikulacioneve pa efekte anësore e pa kosto shtesë.

Të gjithë pacientët raportojnë feedback pozitiv impresionant. Në 278 paciente të trajtuar për dhimbje lumbare, cervikale e artikulare 204 prej tyre kanë raportuar shuarje të simptomave me një seancë të vetme, ndërsa pothuaj të gjithë pas seancës së dytë.