E fundit!

18:34 Aktualitet

"The Albanian Files"/ Zhupa: Libri i premtimeve të Ramës për ndërtuesit e vet, ka brenda 523 vepra penale

Deputetja e PD-së, Ina Zhupa, ka folur ditën e sotme lidhu...

Transplanti i parë i syrit, i suksesshëm/ Historia e ushtarakut që u shpërfytyrua nga aksidenti në punë

13 Nëntor 2023, 15:44, Shëndeti CNA

Transplanti i parë i syrit, i suksesshëm/ Historia e ushtarakut

Në Nju Jork të SHBA-së është kryer transplanti i parë i suksesshëm i plotë i syrit te një person i gjallë.

Ndërhyrja u krye nga një ekip kirurgjik në NYU Langone Health. Personi që iu nënshtrua transplantit ishte Aaron James.

46-vjeçari, një ushtarak veteran me bazë në Arkansas, punoi si drejtues i linjës së tensionit të lartë dhe në qershor të vitit 2021 fytyra e tij preku aksidentalisht një tel të ndezur.

Goditja elektrike 7200 volt shkaktoi lëndime të shumta në fytyrën e Aaronit: syrin e majtë, të gjithë hundën dhe buzët, zonën e faqes së majtë dhe mjekrën, si dhe krahun e majtë.

Transplanti i parë i syrit, i suksesshëm/ Historia e ushtarakut

Aaronit iu hap një dritare e re shprese, pasi i premtuan transplantin. Ndërhyrja u krye në fund të muajit maj nga një ekip prej më shumë se 140 kirurgësh dhe zgjati rreth 21 orë.

Operacioni përfshinte transplantimin e të gjithë syrit të majtë dhe pjesëve të fytyrës nga një donator i vetëm.

Sipas ekipit mjekësor, syri i Aaron tani po tregon shenja "të jashtëzakonshme". Edhe pse ai nuk mund të shohë akoma, mbetet me shpresë se shikimi mund të vijë me kalimin e kohës.

Transplanti i parë i syrit, i suksesshëm/ Historia e ushtarakut

Ka shpresë se procedura e tij e parë e këtij lloji mund të ndihmojë në avancimin e mjekësisë së transplantit.

“Kjo është me të vërtetë shpresa ime më e madhe. Nëse mund të shoh, kjo është shumë mirë. Por nëse do të nisë rrugën tjetër në fushën mjekësore, atëherë unë jam i gjithi për të”, tha Aaron.

Historia e Aaron është raportuar vetëm ditën e fundit në mediat ndërkombëtare, duke krijuar optimizëm për raste të ngjashme./ CNA