E fundit!

09:34 Aktualitet

Apel për kujdes nga temperaturat e larta/ Rrezik për të moshuarit dhe fëmijët

Temperaturat e larta që po përfshijnë vendin po rrisin rre...

Pse ju dhembin gjuri dhe kyçet në këtë periudhë?

5 Dhjetor 2023, 19:43, Shëndeti CNA

Pse ju dhembin gjuri dhe kyçet në këtë periudhë?

Foto ilustruese

“Pse më dhembin këmbët kur është ftohtë?”

Kjo është një ndër pyetjet që shumë prej nesh mund të bëjnë. Këtë e lidhim shpesh me motin.

Dhimbjet e kyçeve mund të shfaqen për arsye të ndryshme, por shpesh janë simptoma të një dëmtimi ose e një sëmundjeje.

Ju mund të përjetoni dhimbje në çdo pjesë të trupit tuaj, por shqetësimi nga ndryshimi i motit ndodh kryesisht në ije, gjunjë dhe kyçet e këmbës.

Nëse kaloni më shumë kohë duke ushtruar në të ftohtë, do të ushtroni më shumë presion në nyjet që mbajnë peshë. Dhimbja që ndjeni mund të shkaktohet nga rrjedhja e kufizuar e gjakut në nyje ose ndryshimet në presion.

Në disa raste, përgjigja është e qartë, pasi studimet kanë treguar se njerëzit me artrit zakonisht përjetojnë dhimbje kyçesh kur moti ftohet.

Disa teori të tjera sugjerojnë ndryshime në presionin atmosferik ose barometrik, i cili i referohet peshës së ajrit që zvogëlohet në mot të ftohtë. Kjo rënie e presionit barometrik mund të ushtrojnë presion mbi nyjet tuaja, duke bërë që nervat të transmetojnë sinjale dhimbjeje.

Një tjetër teori sugjeron se lëngu sinovial brenda nyjeve tuaja trashet në temperatura të ftohta, duke shkaktuar ngurtësim dhe dhimbje të kyçeve në mot të ftohtë.

Po ashtu, dihet se gjatë muajve të ftohtë trupi përpiqet të ruajë më shumë nxehtësi dhe dërgon më shumë gjak në organet në pjesën e mesme të trupit tuaj, si zemra, mushkëritë dhe organet e tretjes.

Si rezultat, trupi juaj dërgon më pak gjak në këmbë, gjunjë, krahë, shpatulla dhe tek nyjet e tjera. Kjo rrjedhje e reduktuar e gjakut, bën që enët e gjakut në nyje të ngushtohen, duke i bërë ato zona më të ashpra dhe më të ftohta, dhe duke shkaktuar dhimbje dhe parehati.

Ky shpjegim vlen vetëm për dhimbjen që ndjeni ndërsa jeni jashtë.

Qëndrimi ngrohtë mund t’ju ndihmojë të zvogëloni dhimbjet e kyçeve.

Disa mënyra për të qëndruar ngrohtë dhe për të shmangur dhimbjet e këmbëve në mot të ftohtë janë:

Bëni ushtrime që ju nxehin

Kryeni ushtrime që nxisin sistemin tuaj kardiovaskular duke rritur rrjedhjen e gjakut në muskuj dhe duke rritur temperaturën e trupit tuaj.

Vishuni më trashë

Vishni rroba të përshtatshme që ju mbrojnë nga i ftohti, sidomos në rastet kur stërviteni jashtë.

Qëndroni brenda në ditët shumë të ftohta

Nëse e keni të nevojshme të stërviteni çdo ditë, uhtrohuni në ambiente të mbyllura kur dimri është i ashpër.