Humbni 8 kilogramë, largoni yndyrën dhe rregulloni sheqerin, presionin e gjakut e kolesterolin

3 Qershor 2024, 09:00, Shëndeti CNA

Humbni 8 kilogramë, largoni yndyrën dhe rregulloni sheqerin, presionin

Obeziteti është përshkruar si një pandemi e vazhdueshme nga ekspertët, me incidenca në rritje të shpejtë në dekadat e fundit. Por pesha e tepërt mund të çojë në probleme të ndryshme serioze shëndetësore, si sëmundjet e zemrës, diabeti dhe disa forma të kancerit.

Edhe pse humbja e peshës, si dhe ruajtja e peshës së re është një objektiv i vështirë, shkencëtarët kanë gjetur një mënyrë të garantuar që të çon në humbje peshe. Më konkretisht, duke kufizuar kaloritë dhe duke ndjekur një model të agjërimit me ndërprerje, ndryshon mënyra se si truri dhe mikrobioma e zorrëve janë të lidhura, gjë që ka një efekt pozitiv në përpjekjen për humbje peshe.

Ekipi i studiuesve nga Instituti i Menaxhimit Shëndetësor të Spitalit të Përgjithshëm PLA në Pekin studioi 25 persona mbipeshë nga Kina, me një moshë mesatare 27 vjeç. Pjesëmarrësit fillimisht kaluan një fazë të rreptë agjërimi 32-ditore me vakte të përgatitura nga një dietolog. Këto vakte kishin gjithnjë e më pak kalori. Më pas ata kaluan një fazë 30-ditore me pak më shumë liri në vaktet e tyre, por duke konsumuar ende shumë pak kalori.

Pas përfundimit të studimit, i botuar në “Frontiers in Cellular and Infection Microbiology”, dhe sipas rezultateve, pjesëmarrësit humbën mesatarisht 7.6 kilogramë (rreth 7.8% të peshës së tyre trupore), duke ulur gjithashtu yndyrën e trupit, perimetrin e belit, presionin e gjakut dhe nivelet e sheqerit në gjak, kolesterolit dhe enzimave të mëlçisë.

Përkatësisht, ndryshimet në rajonet e trurit ishin gjithashtu të rëndësishme, pasi kishte më pak aktivitet në pjesët e trurit që kontrollojnë urinë dhe varësinë, por edhe më shumë baktere "të mira" në zorrë. E kombinuar, sasia e baktereve të caktuara në zorrë lidhej me aktivitetin e pjesëve të caktuara të trurit, të tilla si ato të rëndësishme për vendimmarrje, vëmendje dhe emocione.

Prandaj, kur humbim peshë nuk ndodhin vetëm ndryshime në trup dhe zorrë, por edhe në tru. Megjithatë, nuk është e qartë nëse këto ndryshime ndikojnë njëra-tjetrën apo nëse diçka tjetër i shkakton të dyja.

Dr. Xiaoning Wang shpjegoi se mikrobioma e zorrëve është e lidhur me trurin në një mënyrë komplekse. Dr. Liming Wang shtoi se hapi i tyre i ardhshëm si studiues është të kuptojnë saktësisht se si mikrobioma e zorrëve dhe truri komunikojnë gjatë humbjes së peshës./ CNA