Katër arsye përse nuk ju zë gjumi natën/ Këshilla si të flini më mirë

30 Maj 2024, 09:28, Shëndeti CNA

Katër arsye përse nuk ju zë gjumi natën/ Këshilla si

Mund të këtë një mori arsyesh se përse nuk ju zë gjumi gjatë natës.

Arsye të cilat fillojnë që nga problemet shëndetësore deri te stresi i tepërt. Këto shkëputje të gjumit të natës i ndodhin gjithësecilit në periudha të caktuara të jetës dhe zakonisht nuk janë shqetësuese.

Problemi fillon kur ju përjetoni pagjumësi në mënyrë të vazhdueshme dhe nuk e kuptoni se çfarë po jua shkakton atë.

Mungesa e gjumit përtej lodhjes së tepërt dhe mbingarkesës së trurit, mund të bëhet shkak edhe për zhvillimin e një sërë sëmundjesh të organizmit. Këtu përmendim obezitetin, presionin e lartë të gjakut, sëmundjet e zemrës, diabetin e deri te humbjet e jetës të parakohshme.

Nisur nga kjo, në këtë artikull AgroWeb.org ju tregon disa nga arsyet kryesore së përse vuani nga pagjumësia kronike. Ndiqni më poshtë katër prej tyre të cilat evidentohen nga mjekët si faktorët kryesorë të shkatërrimit të gjumit të mirë.

Ekspertët thonë se ndryshimet e vogla te stili i jetesës duke ndjekur këshillat e mësipërme do të sjellin ndryshime rrenjësore në trupin tuaj.

Ilaçet

Në shumë raste ilaçet që merrni për sëmundje të ndryshme mund të jenë duke luajtur rol kryesor te pagjumësia. Kryesisht disa lloje ilaçesh që përdoren për të trajtuar tensionin e lartë të gjakut, astmën apo antidepresivët. Funksioni i tyre mund të jetë të përshpejtojnë ose ngadalësojnë disa procese të organizmit gjë që prish edhe gjumin e qetë gjatë natës.

Sëmundjet kronike

Sëmundjet kronike që zakonisht shfaqen teksa mosha kalon mund të jenë gjithashtu fatale për gjumin e mirë dhe pa ndërprerje. Nëse vuani nga ankthi, depresioni, probleme të prostatës së zmadhuar, dhimbje kronike apo reumatizma të ndryshme mund të keni edhe probleme me gjumin.

Kjo ndodh për shkak se trupi në mënyrë të vazhdueshme funksionon në varësi të këtyre sëmundjeve duke ndaluar gjumin e qetë.

Disa këshilla për gjumë të qetë

Megjithëse të gjitha këto shkaqe janë shumë komplekse dhe të vështira për t’u parandaluar, mjekët japin disa zgjidhje. Mundohuni të keni një rutinë të përnatshme gjumi, pra shtrihuni në krevat në të njëjtën orë çdo natë dhe zgjohuni në të njëjtën orë çdo mëngjes.

Qetësoni trupin dhe mendjen duke larguar mendimet në mënyrë që të bini në gjumë të thellë më lehtë.

Gjithashtu e rëndësishme është të evitoni pajisjet elektronike para gjumit. Kjo pasi drita që ato lëshojnë stimulon trurin duke e zgjuar atë dhe larguar gjumin. Flini në vende të errëta dhe të freskëta gjithmonë në mënyrë që trupi të mos ndiejë nxehtësi.

Mundohuni të kufizoni gjumin e shpeshtë gjatë ditës edhe nëse ndiheni të lodhur në mënyrë që të flini më lehtë natën./AgroWeb.org