E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Ditët e nxehta të verës/ 4 këshilla për t'u përballur me vapën

30 Qershor 2025, 17:33, Shëndeti CNA

Ditët e nxehta të verës/ 4 këshilla për t'u

Ditët e nxehta të verës mund të jenë të mrekullueshme kur jemi në plazh ose në një shtëpi të freskët me ajër të kondicionuar ndezur, por kur jemi të detyruar të gjendemi në kushte ku vapa na e vështirëson jetën e përditshme, na duhen mënyra të thjeshta dhe të shpejta për t'u freskuar.

Më poshtë janë 4 këshilla për të ulur temperaturën e trupit, si dhe të dhomës:

Hidhni ujë të ftohtë në kyçet e duarve

Zgjidhja ideale në një ditë të nxehtë mund të jetë zhytja në një pishinë me ujë të ftohtë ose edhe një dush me akull, por kur kjo nuk është e mundur, thjesht lagja e kyçeve të duarve me ujë të ftohtë do t'ju bëjë të ndiheni shumë më mirë.

Freskohuni me mente

Dihet që mentja, ndër vetitë e tjera të saj, ofron edhe një ndjesi freskuese në lëkurë, prandaj përdoret për djegie të lehta dhe acarime të lëkurës. Vaji esencial i mentes me cilësi të mirë mund të ndihmojë në luftimin e nxehtësisë. Mentja përmban mentol, një substancë që aktivizon receptorët nervorë që janë të ndjeshëm ndaj të ftohtit.

Preferoni frutat me përmbajtje të lartë uji

Ndonjëherë kur është shumë vapë, nuk kemi dëshirë të hamë. Sidoqoftë, të hash edhe diçka të vogël çdo disa orë është një mënyrë e rëndësishme për të mbajtur energjinë tonë në nivele të mira dhe për të shmangur dehidratimin. Një zgjedhje e zgjuar janë frutat dhe perimet si shalqiri, pjepri dhe kastravecat të cilat janë të pasura me lëndë ushqyese dhe përmbajnë shumë ujë.

Vendosni ventilatorin në vendin e duhur

Nëse nuk keni një kondicioner për të ftohur ajrin brenda shtëpisë tuaj, ekziston një mënyrë për ta shndërruar ventilatorin tuaj në një mini pajisje ftohëse. Ventilatorët nuk e ftohin ajrin, ata thjesht ju ndihmojnë të ndiheni më të freskët kur fryjnë ajër drejt vendit ku jeni, duke bërë që djersa të avullojë dhe temperatura e trupit të ulet./CNA