web counter
LEXO PA REKLAMA!

SHKARKO APP

App Store
Google Play

E fundit!

x

Zoti kryeministër, ki kujdes nga ministri i ri i Financave

3 Gusht 2024, 12:54, Politikë CNA
Zoti kryeministër, ki kujdes nga ministri i ri i Financave
Petrit Malaj

Nëse hapim dhe lexojmë CV-në e ministrit të ri të Financave na bien në sy disa të dhëna të deklaruara prej tij në CV-të zyrtare të publikuara në faqen e ministrisë dhe krahasimisht edhe më të dhënat që ka (harruar t'i përditësojë) në faqen në Linkedin.(lexo këtu)

Ministri i Ri ka shkruar se: 
-Ka punuar nga 2002 deri 2003 në sektorin bankar. Këtë karrierë gati 1-vjeçare e reklamon vetë si "karrriere të sukseshme në sektorin bankar".
-Zotëria ka punuar në sportelet e "Bankës Italo Shqiptare". Tek zyra pagesave! Kush di 5 gjëra për bankat e kupton se për çfarë karriere bëhet fjalë. Me gjithë respektin për punonjësit e sporteleve, reklama si karrierë e sukseshme duket pak e ekzagjeruar.
-Ministri në atë kohë ka qenë 24 vjec. Për çfarë karriere flet sot?
-Ministri i ri i Financave flet rrjedhshëm gjermanisht sepse atëherë kur askush nuk kishte mundesi, ju bë e mundur që të kryente gjimnazin në Gjermani. Pasi mbaroi gjimnazin, nuk dihet pse erdhi të bëjë universitetin ne Tiranë! Si duket i është përgjigjur thirrjes që do vinte nga kryeministri 20 vjet më vonë dhe u kthye të studionte e punonte në Shqipëri.
-Në CV-në e vet zyrtare, ministri Malaj ka shkruar se ka punuar në "Intesa San-Paolo Group". Na vjen keq që duhet ta themi por kjo është thjesht gënjeshtër.

Periudha kur Zoti Malaj ka punuar ne bankën të cilës ai i referohet si "Intesa San-Paolo", i korrespondon një banke tjetër. Bëhet fjalë për Bankën "Italo-Albanese". Intesa San-Paolo u shfaq si blerëse e bankës "Italo-Albanese", kur zoti Malaj nuk ishte më punonjës i saj. Nuk mund ta themi që "Intesa San-Paolo" kishte pritur që zoti Malaj të ikte që ata të bënin blerjen, por është e sigurtë që zoti Malaj nuk pati kohë të shkruante në CV punësimin tek "Intesa San Paolo", sepse kishte ikur më parë.

Në kohën kur zoti Malaj ishte punonjës në Bankën Italo-Shqiptare, babai i tij Limos Malaj, ishte zëvendës Guvernator i Bankës së Shqipërisë. Si i tillë ka qëndruar deri në vitin 2005.

Banka Italo-Shqiptare është blerë nga Intesa në vitin 2005. Vetë Zoti Malaj, në CV thotë që kish ikur nga banka e blerë nga "Intesa", kohë më parë, në 2003.

Gjithashtu sipas informacioneve, zoti Malaj është e vërtetë që ka punuar në "Bankën Raiffeisen". Por aty ka qenë analist kredie, jo "head" i ndonjë zyre siç e shkruan zoti Malaj në faqen e vet në Linkedin.

Zoti Malaj (ministri), na thotë në CV që ka qenë drejtor tek "BDO Albania". Por nuk na tregon se tek kompania ku ishte drejtor, administrator dhe bashkëpronar ishte babai, Limos Malaj. Zoti Limos Malaj është ende administrator tek "BDO", e cila është kompani auditimi subjekt i të drejtës tregtare shqiptare, e krijuar në vitin 2010.

Nëse zoti ministër i ri i Financave është kaq i pasaktë dhe i paplotë tek shpjegimi zyrtar i karrierës së vet, duhet të besojmë që paraprakisht ka gënjyer apo së paku ka qenë i pasaktë edhe me kryeministrin. Nuk e dimë nëse kryeministri ka pasur nevojë të gënjehet apo zoti Malaj e ka gënjyer pa leje! Përgjithësisht këto janë shpjegime që mund t'i marrim vesh, vetëm kur të kuptojmë cilin lloj fruti preferon Zoti Malaj, pasi kryeministri ta kapi duke e ngrënë sigurisht!/CNA 





Lajmet e fundit nga