E fundit!

13:19 Aktualitet

Braho, “shuplakë” politikës: Më vjen mirë që SPAK-u është i papëlqyer nga të dyja kahet

Kreu i SPAK-ut, Klodjan Braho, i ka dhënë një shuplakë pol...

Qato qëlloi me shuplakë protestuesin/ Hoti: Policët të mos përzihen me krimin e shefave të tyre

3 Gusht 2024, 12:30, Politikë CNA

Qato qëlloi me shuplakë protestuesin/ Hoti: Policët të mos

Elda Hoti

Deputetja e Partisë Demokratike, Elda Hoti u ka bërë thirrje banorëve të Mamurrasit, Thumanës, Fushë-Krujës dhe fshatrave përreth që të protestojnë dhe nuk duhet të dorëzohen për aksin "Thumanë-Kashar".

Ajo theksoi se Drejtori i Policisë Rrugore, Altin Qato ka goditur një qytetar vetëm se i ka rënë borisë në mbështeje të protestës së banorëve të zonës.

"Partia Demokratike u bën thirrje policëve të thjeshtë të papërzier me krimin e shefave të tyre, të demonstruar qartë në disa dosje të shërbimeve të huaja, të mos ndjekin verbtazi urdhrat që i vënë kundër bashkëfshatarëve dhe bashkëqytetarëve të tyre", u shpreh ajo.

Deklarata e plotë:

Mospajtimi i banorëve të Mamurrasit, Thumanës, Fushë Krujës dhe fshatrave përreth, me bllokimin e aksesit të tyre në rrugën kombëtare, është ndeshur dje me tërbimin e narko policisë dhe të shefave të tyre lart në qeveri.

Drejtori i Narko Policisë, Altin Qato, ka goditur një qytetar vetëm se i ka rënë borisë në mbështeje të protestës së banorëve të zonës. Ndërkohë, prania e Policisë ka qenë në shpërpjestim, si me motivin e tubimit ashtu dhe me numrin e protestuesve.

Partia Demokratike u bën thirrje policëve të thjeshtë të papërzier me krimin e shefave të tyre, të demonstruar qartë në disa dosje të shërbimeve të huaja, të mos ndjekin verbtazi urdhrat që i vënë kundër bashkëfshatarëve dhe bashkëqytetarëve të tyre.

Drejtorit të Përgjithshëm të Narko Policisë dhe shefit të tij politik në krye të narko-shtetit, ua dimë mirë arsyet e tërbimit dhe, për sjelljen në Thumanë dhe kudo tjetër, sa herë ka protesta, do të përgjigjen herët a vonë.

Partia Demokratike u bën thirrje banorëve të mos dorëzohen deri sa rruga të hapet dhe jeta e tyre t’i kthehet normalitetit. Ju do të keni mbështetjen tonë sot në opozitë. Nesër në qeveri do t’ju japim aksesin që u takon në rrugët kombëtare që janë bërë me taksat tuaja.

U bëjmë thirrje të gjithë qytetarëve, pavarësisht bindjeve dhe origjinës, që të bashkohen me bashkëkombasit e tyre të cilët po dhunohen dhe po përbuzen. Atyre u janë mbyllur dyert e shtëpive dhe bizneseve, dhe duhet të shkojnë deri në Rinas për t’u kthyer në punët e tyre të përditshme.

Atyre u bëhet një padrejtësi e madhe e cila duhet korrigjuar. Nëse qeveria nuk e bën me vullnet do ta bëjë me forcë.

Ne jemi në krah të banorëve, derisa ata të kenë akses në rrugën kombëtare.

Ne jemi kundër qeverisë sa herë u hyn në hak qytetarëve.

Ne do të drejtojmë një qeveri që rrugët i bën për shqiptarët, sic ka bërë në periudhën 2005-2013 me 11 mijë km rrugë, jo për oligarkët. Mos e pushoni rezistencën, është e vemja rrugë përballë së cilës narkoqeveria hap rrugë! O sot, o kurrë!/CNA