E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

Inceneratori i Tiranës/ Këlliçi, dokumente të reja në SPAK: Si u krijua kompania "7S Group"

2 Gusht 2024, 12:45, Politikë CNA

Inceneratori i Tiranës/ Këlliçi, dokumente të reja në

Belind Këlliçi para SPAK-ut

Drejtuesi Politik i PD-së për Tiranën dorëzoi sot në SPAK, dokumente të reja për aferën e inceneratorit të Tiranës.

Në një deklaratë për mediat para këtij institucioni, Këlliçi tregoi një dokument ku sipas tij është faturë e lëshuar nga kompania "Wolf Theiss", kompani e mirënjohur ndërkombëtarisht për shërbimet e konsulencës dhe avokatisë, lëshuar për kompaninë "EM Capital Group". Kujtojmë se “Em Capital Group”, i krijuar në Bullgari, me aksionerë pronarët e inceneratorëve.

Sipas Këlliçit, "Wolf Theiss" ka ofruar çdo shërbim të mundshëm për kompaninë "EM Capital", përfshirë dhe regjistrimin e kompanive të reja, sipas kërkesës së kësaj të fundit. Ai tregoi më tej se faqen 3 të këtij dokumenti, kjo kompani ka faturuar shërbime për regjistrimin e 2 kompanive të reja, njëra e quajtur "Denebola Investments" dhe tjetra e quajtur "7S Group".

Ai i bëri thirrje SPAK-ut për hetime të menjëhershme.

"I bëj thirrje SPAK-ut, të nisë menjëherë letërporositë në shtetin e Bullgarisë dhe pranë autoriteteve të saj, ku të kërkohet jo vetëm i gjithë informacioni financiar dhe bankar i këtyre 2 kompanive, por të ushtrohen kontrolle fizike dhe pranë ambienteve të zyrave ku gjendet çdo informacion i nevojshëm për pastrimin e parave. Sa për dy kompanitë e reja, e dalloni mjaft qartë, që njëlloj si në skemën e 5 Drejtorëve të Bashkisë Tiranë me kompaninë '5D', këtë radhë pronarët e inceneratorit Tiranë, kanë regjistruar kompaninë '7S Group', ose më saktë '7 Specialistët'", u shpreh Këlliçi.

Deklarata e plotë:

Të nderuar qytetarë, prej 4 vitesh tashmë Prokuroria Speciale po heton aferën e shekullit, atë të inceneratorit të Tiranës. Arritja më e madhe e këtyre hetimeve deri më sot, është arrestimi i një drejtori në pension e një drejtori tjetër në bashki dhe zhdukjes me sukses gjatë këtyre 4 viteve të 132 milionë eurove, nën hundën e SPAK-ut.

Prej tetorit të vitit 2023, i kemi dërguar informacion të plotë SPAK-ut për një kompani të regjistruar në Bullgari, e cila quhet "EM Capital Group", kompani e cila ka marë miliona e miliona euro nga llogaritë e inceneratorit Tiranë dhe kompanisë "ITS" sh.p.k të Klodian Zotos.

Sipas disa informacioneve të bëra publike nga gazetarë të ndryshëm, të dhënat e ardhura nga Bullgaria tregojnë se nëpërmjet kësaj kompanie, kanë përfituar para edhe familjarë të pronarëve realë të inceneratorit Tiranë.

Sot, meqënëse SPAK-u nuk dëshiron të gjurmojë paratë dhe vijon të mbyllë sytë përpara fakteve ulëritëse për këtë vjedhje, po bëj publik një dokument të ri, shumë të rëndësishëm për hetimin e kësaj vjedhje.

Ky dokument është një faturë e lëshuar nga kompania "Wolf Theiss", kompani e mirënjohur ndërkombëtarisht për shërbimet e konsulencës dhe avokatisë, lëshuar për kompaninë "EM Capital Group".

"Wolf Theiss" ka ofruar çdo shërbim të mundshëm për kompaninë "EM Capital", përfshirë dhe regjistrimin e kompanive të reja, sipas kërkesës së kësaj të fundit.

Në faqen 3 të këtij dokumenti, kjo kompani ka faturuar shërbime për regjistrimin e 2 kompanive të reja, njëra e quajtur "Denebola Investments" dhe tjetra e quajtur "7S Group".

I bëj thirrje SPAK-ut, të nisë menjëherë letërporositë në shtetin e Bullgarisë dhe pranë autoriteteve të saj, ku të kërkohet jo vetëm i gjithë informacioni financiar dhe bankar i këtyre 2 kompanive, por të ushtrohen kontrolle fizike dhe pranë ambienteve të zyrave ku gjendet çdo informacion i nevojshëm për pastrimin e parave.

E nëse kjo nuk ndodh, atëherë jemi përpara faktit se SPAK-u nuk ka absolutisht ndër mend të gjurmojë paratë e dy pronarëve të inceneratorit Tiranë, Edi Rama dhe Erion Veliaj.

Sërish ditën e sotme, po e lë përpara dyerve të SPAK-ut këtë dokument autentik, për t'u ardhur në ndihmë prokurorëve specialë, për të bërë drejtësinë aq shumë të pritur nga qytetarët shqiptarë dhe për të na thënë se ku kanë shkuar 132 milionë eurot e një inceneratori që nuk ekziston.

Sa për dy kompanitë e reja, e dalloni mjaft qartë, që njëlloj si në skemën e 5 Drejtorëve të Bashkisë Tiranë me kompaninë "5D", këtë radhë pronarët e inceneratorit Tiranë, kanë regjistruar kompaninë "7S Group", ose më saktë 7 Specialistët.

Tingëllon absurde, qesharake dhe fyese për cilindo qytetar që e dëgjon këtë fakt, por mesa duket i ndjeri Pjetër Arbnori, ka qenë profetik dhe tejet i saktë në thënien e tij epike, se këta nuk janë socialistë, por janë specialistë!!!/CNA