web counter
LEXO PA REKLAMA!

SHKARKO APP

App Store
Google Play

E fundit!

x

Rama godet sërish bizneset në jug/ “Rritën çmimet, por tregu ta jep kokës”

2 Gusht 2024, 16:17, Politikë CNA
Rama godet sërish bizneset në jug/ “Rritën çmimet,
Kryeministri Edi Rama

Kryeministri Edi Rama ka kritikuar sërish bizneset në jug, të cilat rritën çmimet gjatë këtij sezoni veror, pas bumit të turistëve që erdhën në Shqipëri.

Rama tha nga Himara se rritja e çmimeve ka qenë irracionale.

Ai theksoi se kjo rritje i është kthyer bizneseve si boomerang, pasi pushuesit janë zhvendosur në restorante të tjera më pak të njohura, por më të arsyeshme.

''Jo që s’ka rënie, por turistët e huaj, krahasuar me vjet janë rritur 150%. Por, ku është problemi. Patjetër që në vende të caktuara dhe këtu po marr Palasën apo Ksamilin, ku buja u bë shumë e madhe, ka pasur dhe një kërcim irracional të çmimeve, por kjo është çështja e tregut në fund të fundit, ti e synon dhe pastaj ta jep tregu kokës.

Thotë prit se po të ishte kaq kollaj, hajde se po i rrisnim të gjithë, por nuk është kaq kollaj. Por gjëja kryesore është se hotelet janë super plot, ndërkohë që numri i restoranteve është rritur shumë më tepër se sa shtretërit.

Ka shumë ofertë. Restorante që kanë qenë shumë të frekuentuar më parë, kanë rritur çmimet dhe ia kanë futur vetes, se njerëz janë zhvendosur në restorante të tjera më pak të njohura, por më të arsyeshme.

Ka një anë tjetër të antipropagandës, se është konkurrencë, ky është fakt. Doli një artikull, për një plazh në Marittimo, që bën një ulje çmimesh, për shkak të konkurrencës të Shqipërisë.

Plazhet publike janë bërë sipas një mënyre vertikale, por po punojnë me ekspertizë ndërkombëtare, sepse ka plazhe që zgjedhin mënyrën horizontale. Çadrave të privatit do t’u zvogëlohet numri, duan të rrisin çmimin, ta bëjnë. Por duam ta bëjmë plazhin të lirë për publikun. Vija të jetë e lirë, s’ka këtu të thuash kam hotelin këtu, mos kalo ti.

Do të luftojmë më shumë informalitetin, sepse po të shohësh të ardhurat nga doganat, rritja e mallrave të konsumit është e jashtëzakonshme, por po të shohësh të ardhurat nga kjo rritje ka informalitet akoma. Po bëjmë një sistem për gjurmimin e xhiros me fiskalizimit, duke shuar dhe inteligjencën artificiale. Do të detyrojmë që çmimet të vihen në hyrje, ta dimë çfarë paguajmë. Janë gjërat të thjeshta'', nënvizoi kreu i qeverisë./ CNA





Lajmet e fundit nga