web counter
LEXO PA REKLAMA!

SHKARKO APP

App Store
Google Play

E fundit!

x

Zhvillohet Asambleja e LRE-së/ Dritan Torba zgjidhet kryetari i ri për Dibrën

11 Korrik 2022, 12:58, Politikë CNA
Zhvillohet Asambleja e LRE-së/ Dritan Torba zgjidhet kryetari i ri për
Asambleja e LRE në Dibër

Ditën e djeshme në qytetin e Peshkopisë u zhvillua Asambleja e LRE-së, Lëvizja e Re për Dibrën.

Anëtarët e LRE-së në Bashkinë e Dibrës u mblodhën për të zgjedhur kryetarin e ri të kësaj partie, si edhe ekipin e ri drejtues.

Në Asamblenë e LRE-së morën pjesë edhe kryetari i kësaj partie Arian Galdini, nënkryetari Luljan Strazimiri, sekretari i përgjithshëm Jani Nano, si edhe kryetari i LRE-së për Tiranën Gent Sinani.

Me shumicë votash, Asambleja zgjodhi si kryetar të LRE-së për Dibrën, Dritan Torbën. Dritan Torba ishte edhe kandidati i LRE-së për kryetar bashkie të Dibrës.

LRE është parti opozitare e djathtë, e cila në dt. 11 qershor organizoi në Tiranë Kuvendin e saj programatik ku kishte edhe prani e përshëndetje zyrtare nga Partia Demokratike e Shqipërisë dhe nga parti të tjeta opozitare të djathta parlamentare dhe joparlamentare.

LRE ka filluar riorganizimin e brendshëm dhe prej 2 muajsh po organizon Asambletë e çdo bashkie në Shqipëri, por edhe në Diasporë ku po zgjidhen edhe drejtuesit e rinj të strukturave të kësaj partie.

Ndërkohë, janë zhvilluar Asambletë në Durrës, Elbasan, Pogradec dhe Dibër. LRE, ndërsa po bën riorganizimin e saj kapilar, po përgatitet edhe për sfidën e pritshme në zgjedhjet e ardhshme lokale në pranverën e 2023-shit.

Galdini ka njoftuar në Kuvendin e 11 qershorit se ndoshta ai do të jetë edhe kandidati i LRE-së për kryetar bashkie të Tiranës./ B.A. – CNA.al





Lajmet e fundit nga