web counter
LEXO PA REKLAMA!

SHKARKO APP

App Store
Google Play

Zgjedhjet në Himarë/ Policia merr në ruajtje Qendrat e Votimit

4 Gusht 2024, 07:28, Politikë CNA
Zgjedhjet në Himarë/ Policia merr në ruajtje Qendrat e Votimit
Efektivë policie në një qendër votimi

Policia në Himarë ka marrë në ruajtje të gjitha qendrat e votimit për zgjedhjet për kryetar bashkie që po zhvillohen ditën e sotme. 

Punonjësit e policisë janë paraqitur sipas detyrës së përcaktuar pranë këtyre objekteve, për t’i marrë në ruajtje.

"Në përmbushje të detyrimeve të Kodit Zgjedhor, Policia në Himarë ka marrë në ruajtje të gjitha qendrat e votimit për zgjedhjet për kryetar bashkie. Punonjësit e policisë janë paraqitur sipas detyrës së përcaktuar pranë këtyre objekteve, për t’i marrë në ruajtje. Ruajtja e Objekteve Zgjedhore do të vazhdojë deri në orën 06:00 të datës 04.08.2024 kur pranë tyre do të fillojnë normalisht punën Komisionet e Qendrave të Votimit. Në të njëjtën kohë, vazhdon kontrolli i territorit në të gjithë qarkun, me qëllim garantimin e rendit dhe sigurisë publike", thuhet në njoftim. 

23 mijë e 74 qytetarë të Himarës do t'u drejtohen kutive të votimit për të zgjedhur kryetarin e ri të bashkisë së tyre. Në garë janë dy kandidatët, Vangjel Tavo nga Partia Socialiste dhe Petro Gjikuria nga opozita. 

Në total do të jenë 36 qendra votimi në Himarë, që do të hapen në orën 07:00 dhe do të mbyllen në 19:00 deri kur të largohet votuesi i fundit.

Në qendra e votimit, materialet zgjedhore kanë mbërritur 2 ditë më parë, ndërsa KQZ ka bërë shpërndarjen e tyre orët e para të mëngjesit të së shtunës, me qëllim që qendrat e votimit të jenë gati në orën 07:00 të ditës së sotme.

Në Himarë aplikohet vetëm identifikimi elektronik dhe qendrat e votimit do të jenë të monitoruara me kamera ashtu si në çdo zgjedhje./CNA





Lajmet e fundit nga