web counter
LEXO PA REKLAMA!

SHKARKO APP

App Store
Google Play

Mbi 23 mijë qytetarë të Himarës zgjedhin sot kryetarin e ri të bashkisë/ Dy kandidatët në garë

4 Gusht 2024, 07:07, Politikë CNA

Mbi 23 mijë qytetarë të Himarës zgjedhin sot kryetarin e ri

Sot, 23 mijë e 74 qytetarë të Himarës do t'u drejtohen kutive të votimit për të zgjedhur kryetarin e ri të bashkisë së tyre. Në garë janë dy kandidatët, Vangjel Tavo nga Partia Socialiste dhe Petro Gjikuria nga opozita. 

Në total do të jenë 36 qendra votimi në Himarë, që do të hapen në orën 07:00 dhe do mbyllen në 19:00 deri kur të largohet votuesi i fundit.

Në qendrat e votimit, materialet zgjedhore kanë mbërritur 2 ditë më parë, ndërsa KQZ ka bërë shpërndarjen e tyre orët e para të mëngjesit të së shtunës, me qëllim që qendrat e votimit të jenë gati në orën 07:00 të ditës së sotme.

Në Himarë aplikohet vetëm identifikimi elektronik dhe qendrat e votimit do të jenë të monitoruara me kamera ashtu si në çdo zgjedhje.

14 majin e vitit 2023 në Himarë votuan 7821 persona, ose 34.27%, me Fredi Belerin që 3840 vota, vetëm 19 vota më shumë se rivali socialist Goro që mori 3821 vota. Fredi Beleri u dënua nga GJKKO-ja me 2 vite burg nga GJKKO-ja për blerje votash./CNA 





Lajmet e fundit nga