Agron Shehaj për CNA: Kush është i pakënaqur nga klasa e vjetër politike, të votojë një alternativë të re

26 Prill 2025, 21:22, Politikë CNA

Agron Shehaj për CNA: Kush është i pakënaqur nga klasa e

Kreu i Partisë Mundësia, Agron Shehaj dha sot një intervistë ekskluzive për CNA TV. Në këtë intervistë, Shehaj iu është përgjigjur disa çështjeve me interes dhe në prag të zgjedhjeve të 11 maji, ndau edhe një mesazh për votuesit.

Shehaj dha mesazhin e tij për qytetarët, pak ditë para mbajtjes së zgjdhjeve parlamentare. Në këtë mesazh, Shehaj thekson pakënaqësinë ndaj klasës së vjetër politike, që sipas tij çon në domosdoshmërinë për një altërnativë të re.

Shëhaj shprehet se e ardhmja e Shqipërisë varet nga të të rinjtë dhe se Partia Mundësia ka një projekt afatgjatë në interes të qytetarëve shqiptarë.

“Mesazhi im për qytetarët nga Korça është që nëse mendoni që kjo klasë politike e vjetër, nëse nuk jeni të kënaqur me qeverisjen këto 12 vjet, por edhe nëse doni diçka të re, ne mendojmë se ka ardhur momenti që Shqipëria të shikojë nga e ardhmja. Shqipëria ka të rinj e të reja pafund, të cilëve mund t'iu jepet besimi që të qeverisin Shqipërinë e 30 viteve të ardhshme.

Kështu që ka ardhur momenti që të heqim dorë nga e kaluara dhe të shikojmë nga e ardhmja. Kini besim, e di shumë mirë që janë të zhgënjyer, e di shumë mirë që është shumë e vështirë të japin besim ndaj dikujt tjetër pasi janë gënjyer në këto 34 vjet, por Partia Mundësia ka një projekt afatgjatë dhe synon që në zgjedhjet e ardhshme të arrijë një rezultat historik, që për herë të parë një parti e re, jo vetëm pa mbështetjen e partive të vjetra, por duke i patur edhe kundër, të hyjë në parlament, një grup parlamentar dhe të bëjë opozitë të vërtetë në interes të qytetarëve shqiptarë. Që ne jemi forcë e tretë, ky është fakt. Kështu që absolutisht si forcë e tretë, për momentin në zgjedhjet e ardhshme, por ky është vetëm fillimi”,-tha Shehaj./CNA