web counter
LEXO PA REKLAMA!

SHKARKO APP

App Store
Google Play

Berisha: Në Shqipëri, ju do t’i shtypni kokën gjarprit Edi Rama

26 Prill 2025, 14:11, Politikë CNA

Berisha: Në Shqipëri, ju do t’i shtypni kokën gjarprit Edi

Kreu i PD-së, Sali Berisha, ka deklaruar në takimin elektoral me banorët e Njësisë numër 10 që ashtu si Presidenti Donald Trump i shtypi kokën gjarprit në SHBA, ashtu dhe qytetarët shqiptarë do t’i shtypin kokën kryeministrit Edi Rama.

Ai theksoi se e gjithë beteja e PD-së është të rikthejë rininë.

“E gjithë beteja jonë është ta kthejmë kombin në moshën e rinisë së tij. Kombi në moshën e rinisë nuk kthehet me këta të rinj që vetëm ikin.

Ndaj dhe ju garantoj se do bëjmë çdo përpjekje që çdo i ri që shkollohet, të punësohet në Shqipëri duke paguar qeveria 1 vit sigurime shoqërore për çdo të ri që punësohet.

Një grant prej 30 mijë eurosh për çdo çati të çifteve të reja. Gratë dhe vajzat do kenë mbështetje të fuqishme për bizneset e tyre.

Ne do bëjmë gjithçka që familja shqiptare të forcohet. Familja shqiptare dhe familja në tërësi, në këto vitet e fundit, iu nënshtruan një agresioni të paparë të ekstremizmit të majtë marksist dhe post-marksist.

Ju jeni dëshmitarë se si filluan në Shqipëri në tekstet e shkollës Prindi 1 dhe Prindi 2. U shua nëna dhe babai. Erdhi ligji në parlament për fermat e grave që do lindin fëmijë të askujt.

Një agresion i paparë në kohëra kundër gjinisë njerëzore. Kundër identitetit të njeriut. Fati i madh në SHBA, Donald Trump i shtypi kokën gjarprit.

Në Shqipëri, ju do t’i shtypni kokën gjarprit Edi Rama. Shqipëria Madhështore është zotimi ynë. Shqipëria është vendi i pasurive të pamasa.

Prodhim, prodhim dhe vetëm prodhim do jetë motoja jonë. Teknologjitë më të reja, internet 3, inteligjenca artificiale, kriptomonedhat, dataqendrat, do ta shndërrojnë Shqipërinë në një epiqendër të fuqishme rajonale të teknologjisë së lartë.

Shqipëria superfuqi energjetike në rajon. Jam zotuar dhe zotohem, çatitë e shqiptarëve nga jugu në veri do jenë me panele diellore, për të gjithë ata që duan. Qeveria do t'i subvencionojë.

Miqtë e mi, dy javë kanë mbetur. Le të jenë këto dy javët e jetës suaj. Dy javët e misionit tuaj, në shërbim të dinjitetit tuaj, të mirëqenies suaj.

Në shërbim të shoqërisë shqiptare dhe të Shqipërisë. Të shpëtojmë Shqipërinë nga kjo narkodiktaturë. Rrofshi ju, rroftë Shqipëria. Fitore, fitore, fitore!”, tha Berisha./ CNA





Lajmet e fundit nga