web counter
LEXO PA REKLAMA!

SHKARKO APP

App Store
Google Play

“Më shumë gra e vajza për ndryshim në politikë”/ Rama: PS-ja është partia më e madhe e shqiptarëve

25 Prill 2025, 18:10, Politikë CNA

“Më shumë gra e vajza për ndryshim në

Kryeministri Edi Rama po vijon edhe sot turin e tij të takimeve zgjedhore dhe këtë pasdite u ndal në qytetin e Shkodrës. Në fjalën e tij, Rama vuri theksin te ndryshimet e shumta të pjesëmarrjes së grave e vajzave në politikë.

Rama e konsideroi si një arritje shtimin e kuotave gjinore, për të cilën tha se sjell ndyshim në bashkësinë politike.

Rama tha se  nëse në të kaluarën janë bërë gabime në politikë, ka ndodhur sepse gratë nuk kanë qenë aq aktive në vendimmarrje.

Rama shtoi se ky ndryshim reflektohet edhe brenda Partisë Socialiste, që e quajti si partinë më të madhe të shqiptarëvë.

“Sot kjo sallë është shumë kuptimplotë sepse në këto vite kemi arritur së bashku të bëjmë një ndryshim për bashkësinë tonë, që është vendosja e ekiuilibrit me burrave dhe grave. Ekuilibër që ka munguar plotësisht. Nëse Shqipëria vuajti më parë nga shumë vendime të gabuara, ishte se mungonte zëri i gruas. Sa e vërtetë është kjo, saqë edhe ato gra që u ngjitën në skenën politike, ndiheshin të vetmuara dhe detyroheshin të silleshin si burra. Me PS-në atëherë që kishte 12% vajza e gra të regjistruara, sot kemi 40% gra dhe vajza. Sot ju jeni 39 mijë, por nuk duhet të ndalemi që kjo parti, që është partia politike më e madhe e shqiptarëve, të jenë 50 mijë. Sot jo vetëm që janë gjysma e listës gra dhe vajza, poe gjysmat në listën e sigurtë janë gra dhe vajza. Jemi partia që kemi numrin ku e ku më të madh të grave deputete, se pjesa më e madhe e listave të mbyllura janë gra dhe vajza”,-tha Rama./CNA





Lajmet e fundit nga