web counter
LEXO PA REKLAMA!

SHKARKO APP

App Store
Google Play

PD e denoncoi në SPAK/ Reagon Topçiu: Kam pezulluar të gjitha punësimet, investimet janë miratuar në vitin 2024

25 Prill 2025, 14:14, Politikë CNA

PD e denoncoi në SPAK/ Reagon Topçiu: Kam pezulluar të gjitha

Kryebashkiaku i Maliqit, Gëzim Topçiu, ka reaguar pas kallëzimit të bërë ndaj tij në SPAK nga PD, ku e akuzojnë për aktivitetet elektorale. Topçiu në një deklaratë për mediat tha se ka pezulluar të gjitha punësimet e reja, ndërsa për investimet tha se janë procedura normale.

Më tej, Topçiu u shpreh se nuk është favorizim pasi investimi është në të gjitha fshatrat e bashkisë që ai drejton.

"Nuk e kam lexuar materialin, bashkëpunëtorët e mi më kanë çuar diçka, por nuk e kam lexuar dhe  nuk jam njohur me materialin. Nga ajo që më kanë treguar bëhet fjalë për dy momente, për punësime në periudhë zgjedhjesh dhe në momentin e dytë me investime publike në territor, apo prokurime publike. Dua të sqaroj se me një urdhër të nxjerrë nga ana ime i kemi pezulluar të gjitha punësimet e reja, këtë mund ta verifikoni në institucionin e bashkisë. Momenti i dytë ka të bëjë me investime të cilat janë investime të miratuara me vendim të Këshillit të Bashkisë me vendim të vitit 2024. Janë procedura normale, standarde, nuk kemi bërë shtesa në peridhen 4-mujore të zgjedhjeve kështu që është një punë normale e bashkisë. Në konceptin tim unë mendoj që institucionet tona duhet të punojnë sipas një miratimi që Këshilli i Bashkisë ka bërë, sipas miratimit që bën Agjencia e Prokurimeve Publike, që është institucion që shikon edhe bazueshmërinë ligjore. Kështu që më duket një veprim jo i duhur, por megjithatë institucionet përkatëse ta verifikojnë dhe të shikojnë cila është shkelja apo abuzimi që ne kemi bërë. Nuk mund të quhet favorizim në qoftë se unë investoj në të gjitha fshatrat e bashkisë. Është një investim 3-vjeçar për vitet 2025-2026-2027 i shpallur me vendim të Këshillit të Bashkisë, i miratur nga institucioni i Prefektit, vazhdon me procedura standarde. Ne nuk bëjmë rrugë për të majtë apo për të djathtë, bëjmë rrugë kudo në të gjithë bashkinë. Le ta shikojnë komunitetet tona sa të vërtetë jemi për këtë pjesë", tha Topçiu./ CNA





Lajmet e fundit nga