web counter
LEXO PA REKLAMA!

SHKARKO APP

App Store
Google Play

“Eksodi i mjekëve u bë masiv”/ Berisha: Shëndetësia ka degraduar në 4 vitet e fundit.

25 Prill 2025, 11:58, Politikë CNA

“Eksodi i mjekëve u bë masiv”/ Berisha:

Kreu i Partisë Demokratike, Sali Berisha zhvilloi sot një bashkëbisedim me studentët e mjekësisë. Berisha u ndal gjerësisht në problematikat e lidhura me shëndetësinë.

Berisha u shpreh se 4 vitet e fundit, shëndetësia mori goditjet më të rënda.

Kryedemokrati tha se gjendja e shëndetësisë sot i rikujton situatën në vitet ’60-të.

Berisha tha se në 4 vitet e fundit, eksodi i mjekëve u bë masiv.

Më tej, edhe për shkak të profesionit të tij si mjek, Berisha vijoi një diskutim të gjerë me studentët e mjekësisë për çështje të shëndetësisë.  

“Në qoftë se marrim shëndetësinë, në memorien time shëndetësia sot ka një degradim në Shqipëri që në shumë aspekte afrohet me vitet ’60. Në cilat konkretisht se jeni studentë mjekësie? Sot ne kemi mjekë 4 herë më pak se mesatarja e BE.

Në vitin 2013 ne kishim një mjek për 600 banorë, sot kemi një mjek për 1100 banorë. BE ka një mjek për 300-350 banorë. Këtu jemi ne.

Gjithçka më rikujton vitet ’60, kur atëherë filluan në rrethe të shfaqen pediatrit e parë se nuk kishte pediatër.

Shëndetësia mori goditjet më të rënda 4 vitet e fundit. Eksodi i mjekëve u bë masiv.

Ju përsëri jeni njerëz që keni studiuar fiziologjinë, biokiminë dhe në një formë tepër shqetësuese është shfaqur uria kronike.

Uria kronike, ju e dini, është uria në të cilën njeriu nuk plotëson dot minimumin proteinik, nuk plotëson dot përbërësit për funksionimin e trupit të tij dhe pastaj i merr këto nga indet e veta.

Një studim i UNICEF, i pavarur, tregon se 21 përqind e familjeve nuk ushqejnë dot me më shumë se 2 vakte fëmijët e tyre. 21 përqind!

Pensionistët, të cilët janë rreth 760 mijë, nga këta 57 përqind e tyre marrin një pension më të ulët se 170 euro në muaj. Por ju e kuptoni vetë, pensionistët janë gjithashtu qytetarët me nevojat më të mëdha për ilaçet.

Ndërkohë që, sot çmimet në këtë vend janë rritur më shpejt dhe më shumë se në çdo vend tjetër.

Në qoftë se më para gjeje një banesë me qira 150-200 euro në vitin 2013 e kam fjalën, sot të duhen 500-600 euro për të njëjtën sipërfaqe.

Në qoftë se më përpara e merrja kilogramin e bukës 400 lekë, sot e merr 900-1000 lekë.

Po kështu mishi e produktet e tjera me radhë.

Prapë po ndalem te ky element se është shumë i rëndësishëm, pensionistët, të cilët në vitin 2013 merrnin si pension mesatar 143 mijë lekë, në rast se qeveria do të respektonte, do t’i ndihmonte të përballonin rritjen e çmimeve, ata sot duhej të kishin një pension jo 170 mijë lekë, por 390 mijë lekë.

Tani, imagjinoni ju pra se si këta, një e treta e popullatës sot, përballojnë jetën e tyre vetëm në sajë të lëmoshave që u japin të tjerët”,-tha Berisha./CNA

 

 





Lajmet e fundit nga