web counter
LEXO PA REKLAMA!

SHKARKO APP

App Store
Google Play

Berisha: Ramës i kanë ardhur lajme për dosjen McGonigal prandaj thërret ‘rroftë Altin Dumani’

24 Prill 2025, 22:17, Politikë CNA

Berisha: Ramës i kanë ardhur lajme për dosjen McGonigal prandaj

Kreu i PD-së Sali Berisha gjatë takimit elektoral në Gjirokastër është shprehur se pas thirrjeve dhe lëvdatave për kreun e SPAK Altin Dumanin, kryeministri Edi Rama i bën për shkak se i kanë ardhur lajmet për dosjen McGonigal.

“Miq, nuk është vetëm Tërmeti, por Rama i ndan me xhinsin e tij. Dhe thotë nuk ka një fakt për mua.

Po a nuk je ti që i ke dhënë McGonigalit 220 mijë dollarë por ta korruptuar kundër opozitës dhe këtë e fakton gjykata amerikane?

Çfarë fakti do?

A e keni vënë re miq, i kanë ardhur lajmet, dhe tani çdo ditë rroftë e qoftë Altin Dumani. U garantoj se edhe Nuredinit do i thurte poema në qoftë se ia kërkon Nuredini këtë gjë se do të shpëtojë nga dosja McGonigal.

Gjeni fakte për mua, thotë se dardhat i kanë ngrënë të tjerët.

Po ato 224 mijë metër katrorë të manastirit të Skutarisë dhe në Gjipe, kush i mori ato? Çfarë lidhje ke ti me to?

Lexoni, Spiro Koleka, Nushët kanë deklaruar se nuk kanë pasur toka, kanë deklaruar se kanë pasur 3 dhi dhe 5 derra, kanë deklaruar se kanë qenë më të varfrit të Vunoit dhe tani na dalin me dhjetëra hektarë prona të gjitha të grabitura nga Edi Rama. Po ai kopshti 8 mijë metra në Surrel nga mbiu ai, apo ma bëri gruaja. Dhe tani po t’i thuash, ja tani ky më përmend edhe gruan. Po atë e ke thënë vetë ti.

Po 130 milionë euro të djegësit të Tiranës. Shkoi në gjykatë dosja, dy drejtorë aty, kanë shkelur ligjin, por para nuk kanë marrë ata. Ata kanë firmosur tenderin, por është Edi Rama prapa tij. Dhe ajo që duhej të vëzhgonte çdo muaj punimet, nuk ka bërë asnjë raport Lubi Balluku. Pse? Se e shihte se dardhat i hante Edi Rama. Jo vetëm dardhat, por edhe ftonj të prishur.Dhe përpiqet tani të justifikohet. Po ja ata ministrat. Prisni, avash kur ta dëgjoni të thotë lavdi hajdutëve të mi.

Sepse për të qytetarët janë dembelë, shqiptarët janë dembelë, ikin dhe nuk punojnë.Në të vërtetë shqiptarët janë punëtorë, por ti ke ngushtuar komplet rrethin.Ndaj dhe ne me projektin tonë një mundësi për çdo shqiptar”, tha Berisha./ CNA





Lajmet e fundit nga